2 Samuwel 16:23 - NABUWWA KEE MALIKWA

²³ Woo dabaanal sahda Acitoofal fayuh aba axcinnaanim Yalli afat kaak hee yab akkaluk yenen. Duma Dawud toh akkaluk yeneeh; Absalaam kaadu toh yekkele.

2 Samuwel 16:23 Referans Kwoze

2 Samuwel 15:12

Usuk sadgat kabuk teenak abeeh, kabuk teenak kaadu Giilô-magaalal yan Acitoofal deqsita numuy Malik Dawuduh fayu acayuk yenehiyyah farmo ruube. Waqlak wadir malikil malsen mala digga baahak bahteeh; Absalaam kataata mari amagguk yemegge.

2 Samuwel 17:23

Acitoofal kay fayu oggole weenim yuble waqdi, isi dananal koori hayya heeh, isi magaala yuduure. Isi buxal, buxah addah caagid bicseek lakal, ogot is qide. Sarrak magaqah kay buxah mara edde haak sugen aracat kaa heen.

2 Samuwel 17:14

Too waqdi Absalaam kee Israayil mari yakkeemiik, «Acitoofal-fayuk, Cusaay-fayi yayseh yan» iyyen. YALLI woh akah abemii, Acitoofal baahe meqe-fayu kataate waana'gidiiy Absalaamal bala obta'gidi.

Ermiyaas 8:9

Isin kasloytiitih liton mari qaybit radele. Badit ken abbixeleeh, oflot radelon. Yi qangara cineenim ablehik; amol akak yaniinim, manni'nnah yan kasaay?

Ermiyaas 4:22

«YALLI iyyam aabbeh an. Iyyaamah, ‹Yi mari duquuraay; yoo mayaaxigan. Kas sinni qunxa urrih gide ikkal, tut maradan. Uma-taamah abittol ken aleltam matana'mmay meqe taamah waqdi boola lon› 'yaanam axcih aabbe.

1 Samuwel 30:8

Sarrak Dawud YALLA essereemih, «A gaadileh lakat maay gexo? Gexek ken abbixeyyo'nnaa?» iyye. YALLI kaal gacsemii, «Lakat keenik gex. Ken abbixettooh seewah been mara catettok» kaak iyye.

2 Samuwel 15:31

Dawud, «Acitoofal Absalaam marat yengele» 'yaanam yoobbe waqdi, YALLA kallaceeh, iyyemii, «YALLAW, Acitoofal fayu foyya ab» iyye.

2 Samuwel 17:1

Tohuk lakal Acitoofal Absalaamak iyyemii, «Kot bictek, taban kee namma alfih num doorru heeh, a bar Dawud lakat gexeyyo.