2 Samuwel 11:2 - NABUWWA KEE MALIKWA

² Ayrok teena Dawud carra waqlat xiinik ugutta 'yeh, isi qarih amol yewqe. Wokkel booxah yan aracal wonnak annah gexak suge waqdi, barra kaqalah yuble. A barra kaxxam qax muquk ten.

2 Samuwel 11:2 Referans Kwoze

Ermiyaas 19:13

Yarusalaam magaalah qarwaay, malikwâ qarwa kee magaalal enna 'ya marih qarwa, nadaysa akah takke innah abeyyo. Too qarwah amol, yaqbuden cutuukah qaydarus ruubak sugen. Mango qaynatih duyyey yaqbudeenihiyyah amol, qibaadah qinabak bicsen kamri caxak sugen. Tonna leemiik too qarwa inkih nadaysa akah takke'nnah absiiseyyom keenih waris› » yok iyye.

2 Samuwel 4:5

Ayrok teena taaxige gaadileh abbobtih yen toobokoh nammay Isboset buxah gexen. Isboset laqo buxal silaalita waqdi yemeeten.

1 Samuwel 9:25

Sarrak too aracak magaala gexen. Samuwel isi buxal qarik amo kaa eyyeqqa heeh tokkel kaa'lih walale.

2 Samuwel 13:1

Toh tekkek wadir waqla gexxe. Dawud baxi Absalaam digibe wayte qax-meqe maqanxá luk yen. A awká migaaqah Tamaari deqsitak ten. Dawuduk gersi baxay Amnon deqsitahiyya Tamaari yikcine.

2 Samuwel 14:27

Absalaam lab-xayloh sidoc kee say-baxá luk yen. Baxá migaaqah Tamaari deqsitak ten. Is kaxxam qax-muquk ten.