2 Samuwel 11:1 - NABUWWA KEE MALIKWA

¹ Ciggiila sugum adday dardorti xeflih qeebih edde gexxahiyyat, Dawud, Yowab kee kalah tan qaskar abbobti kee Israayil qaskar qeebih ruube. Oson Qammon maral umam baaheenih, qaskarak qeebih yeyseeniih; Rabbay inaytâ-magaalah keenik tenehiyya maraasiyya heenih yabbixeenim faxen. Dawud isih magexinnay, Yarusalaam magaalal elle raaqe.

2 Samuwel 11:1 Referans Kwoze

1 Aydaad 20:1

Ciggiila sugumih adday dardorti xeflih qeebih edde gexxahiyyat Yowab qaskarak foocat gacca 'yeh Qammon marih rasuh gaaduh gexeeh yibbixeh. Too gaaduh Malik Dawud magexinnaay, Yarusalaamal elle raaqe. Yowab abbah akak yan qaskar, Rabba deqsitta magaalay keenik inaytâ-magaalah tenehiyyat maro heeniih; sarrak tet yibbixeeniih tet bayseenih.

1 Malikwa 20:26

Dabaybah addat Malik-Banihadad isi marah seeceeh; Israayilit qeebi aba'gidih, Afeek-magaala fan gabat ken luk gexe.

1 Malikwa 20:22

Tohuk lakal nabi, malik-Acabal gexeeh kaak iyyemii, «Gexay uduuray qaskar nagay ugusaay, abinnaan mala cubbil aba. Woh akah axcem, yamaate sanat sugumuh addat Malik-Banihadad nammeyhaak qeebi siinit aba'gidih amaatele» iyye.

2 Aydaad 36:10

Sugum rade waqdi Baabelon malik yemeeteeh, Yahoyaasin Baabelon fanah seewah bee. YALLIH Qibaadah-Qaril sugte duyye kaadu dannabah bee. Sarrak Yahoyaasin qammiy migaaqah Xidkiya deqsitak yenehiyya Yuudâ-mara kee Yarusalaam marak malik abeh cabe.

Zakariyya 14:3

Tohuk lakal YALLI dumî-dabaanal akah abak suge innah, too doolatwat qeebi abuh ugtele.

1 Samuwel 18:30

Filistiin-mari too dabanal Israayil-marah gaaduh gexakaay qeebi keenit abak sugen. Too qeebil inkih, gersi qaskar abbobti hinna'mmay, Dawud keenil ansaruk yen. Tohuk gexxaamah kay migaq kulli ikkel yontoobbe.

2 Samuwel 10:14

Suuriyah mara kudah yublen waqdi, Qammon mari kaadu Abiisayak yoowweeh, magaalah adda culen. Toh yuble waqdi Yowab Qammon marih qeebik raaqeh, Yarusalaam fan yuduure.

Ermiyaas 49:2

Qammon rasuk inaytâ-magaalay Rabba deqsittal yakku waa qeebik xongolo edde oobba haan wakti amaatele. Too magaala abuuruh raaqele. Tet dariifal tan gaandoodi carriselon. Israayil mari isinni baaxoy keenik beeni gacsitelon.

Ermiyaas 49:3

Qaay baateh tanik, Cesbon maraw, boogisa! Rabba deqsitta magaalah agabow, rookita! *Qabuudut gacaay rookita. Meekitay *emreereya. Macaay inteenik, isin yallah liton Milkom kee kay seeka kee kay makaabon inkih seewah siinik beelon.

Qaamus 1:14

Tohuk gexxaamah, Rabba deqsitta magaalat maroh tan gasot gira ruubeyyo. Woo magaalal tan megdebittet gira ruubeyyo. Too ayro kaxxa deero kee waxxaqa radele. Too carbiy caffat gexxe girah innah baaxo gufele.