2 Samuwel 10:12 - NABUWWA KEE MALIKWA

¹² Kaadu qagseh kaak iyyeemih, «Agiru tikay digga xic. Ninni mara kee ni Dageltih magaalah nagay yan qeebi abnaama. Ellecabol YALLI isih loowem akkele» iyye.

2 Samuwel 10:12 Referans Kwoze

1 Samuwel 3:18

Samuwel Yalli kaak inxicca 'yeemik tu kaak maaqurinnay inkih kaah warse. Too waqdi Qeli iyyeemih, «Usuk YALLAK, kay intit taysem abay» iyye.

Nacmiya 4:14

Taham cubbusek lakal, ugutta exceh, saqoltih yan maraay, baaxoh abbobti kee wohuk kalah tan ummattak exceemih, «Naqboytiitik mameysitina. Isinni tooboko kee isinni xaylooy isinni agabu kee isinni buxah taagah qeebi keenit abtaanama. YALLAY nabna leeh cunxo sahdat qidahiyya kassa haay, mameysitina» keenik exce.

1 Samuwel 4:9

Bas, Filistiin maraw, agiira tika! Qeebil agiira akke wayteenik, oson ni naqoosah akah sugen innah, nanu kaadu ken naqoosa akkennom ixiga. Qeebil labha tikay maboolaatina bas» tittak iyyen.

Makaabon 10:15

Israayil mari too waqdi YALLAK iyyemii, «Nanu dambi lem bahneeh; sarrak faxxem nek ab immay, awayih ibak a umaanek nee cat» kaak iyye.

1 Aydaad 19:13

Kaadu qagseh kaak iyyeemih, «Agiru tikay digga xic. Ninni mara kee ni Dageltih magaaloolih nagay yan qeebi abnaama. Ellecabol YALLI isih loowem akkele» iyye.

1 Samuwel 17:32

Dawud kay fan yemeete waqdi, Saawuluk, «Yi amoytaw, a Filistiin-numuk faxe num meysite waama. Anu away gexeh qeebi kaat abeyyo» iyye.

1 Samuwel 14:12

Sarrak Yonaatan kee kaa'lih yan furraynuh seeceenih, «Siinih warisnam fanxam linok, annah nel ama» keenik iyyen. Too waqdi Yonaatan is lih yen furraynuk, «Yoo katay; YALLI keenik nee yiysiiseh yanik» iyye.

1 Samuwel 14:6

Yonaatan woo furraynuy kaa'lih yanik iyyemii, «A *Filistiiniy diini-maleelah tanihiyya elle tani'kke fan nee bey. YALLI nee catam takkehik, dagnah faxeh gide nakke'mmay YALLI isih faxek, keenik nee aysiisele» iyye.

Yoosuwa 1:18

Ku abbootan cina num kee atu axcinnaanim cina numul rabi amaatele. Abtaamat bisoh inxicaay agaagul akak cab» kaak iyyen.

Yoosuwa 1:9

‹Agaagul akak cabay a taamal digga xic› 'yaanam amrih kol oobiseh; tama amri hawweene waytam kol tan. Anu *YALLAAY; ku Dagelta kinniyooh; elle gexinnaan ikkel ko'lih ani'mmay mameysitinaay; niya kok baxaqe waytay» kaak iyye.

2 Aydaad 32:7

«Abtaanamal digga 'xicaay agaagul akak caba; Assuuriyah malik kee usuk miraacisa qaskarak mameysitinaay niya haysita. Kay qaxat yan marak ni qaxat yan mari qandeh yayse.

2 Samuwel 10:11

Too waqdi Yowab toobokoytak iyyemii, «Suuriyah mari qeebil yok yaysem tublek, catoh yoh amaatetto. Qammon mari kok yaysem ublek, catoh anu koh amaateyyo» iyye.

2 Samuwel 15:26

Usuk yoo faxe week, isih faxem yok abbaasitu waa kaak; Qahdih-Sandug gacis» kaak iyye.

Nacmiya 4:8

Tonna-leemiik Yarusalaam fan amma 'yeenih qeebi net abaanaah, ummatta akah baditta innah abaanamal malsen.

Aster 4:16

Inteemih, «Suusâ magaalal yan Yahuud marak inkih mododa inxic. Soomaay yoh kaadu dooqa aba inxic. Sidooca bar kee laqoh tu maaqabinaay makmina keenik inxic. Yoo kee yi taamat yan baxuw kaadu toh abenno. Tohuk lakal xintol umam kinnim aaxigeh immay, tohuh, malik fanah gexeyyo. Tohuh, rabi yol yemeetek, yamaatay» 'yaanam kaah rubte.