2 Malikwa 9:34 - NABUWWA KEE MALIKWA

³⁴ Yaahu malik-qari culeh, maaqo woo qarih addal xage. Tohuk gaba kale waqdi, «Ama abaaro leh tan barra beyay uguqa. Is faxe sahdayto takke'mmay, malik baxáh sugtek» iyye.

2 Malikwa 9:34 Referans Kwoze

1 Malikwa 16:31

Kaak dumal malikih suge Nabát-Yarobqam abak suge umaane kay garil inkinnah tuk masuginnaay, dambi abitto wohuk lafittam baahe. Etbaqal-deqsita-numuy Saydâ-marak-malikih yenehiyyak Idebal-deqsitta-baxá rihimih abite. Tohuk lakal Baqal akak iyyaanam diini-maleela Yallih aftok taqbudehiyyah qibaadat gace.

1 Malikwa 21:25

YALLIH garil, ahayduma Acab gide YALLI niqbaamat ase num mananna. Tohut inkih kaa asissem, nikaacat luk yen kay barrak ten. Tet migaq Idebalak ten.

Qaamus 6:4

Maaqo xagtan waqdi elle inaaqittaanam, dakani moddiinik bilqisen kaqaadiidi. Maaqoh akah taniinim, qunxa illi kee nagay mulkuqusen rugaageh cadooy; elle taniinim, raacat le koraasih bagu.

Yasaqya 65:15

Anu dooreeh meexe mari, ‹Umaaney woo marat tekke siinit takkay› 'yaanam axcuk ceelalloh sin haysitelon. Yoo YALLAY Mulki lehiyya sin qideyyooh, sin seleyyo. Yi naqoosay yoo takdumek migaq keenik korse liyo.

Aster 3:15

Woo amri kaadu Suusâ magaalay inaytah tanihiyyal yan marah malik amrisem ascassuk, kay gubal yan mari yiysixxige. Arduk farmo beya mari kaadu kulli rakaakay fanah gexak taham yiysixxigen. Suusâ magaalah mari tah yoobbe waqdi, kinni inna waagiseh. Takkay immay malik kee Haaman too ayro titta lih daffa iyyeenih, maqab aaqabuk yenen.

1 Malikwa 18:41

Tohuk gaba kale waqdi, Eliyyas Malik Acabak iyyemii, «Ahaysa gexay maaqo xag; roobuk angad aabbeh anik» iyye.

2 Malikwa 9:33

Too waqdi Yaahu, «Addah tet qida» keenik iyye. Osonuuy wokkek addah tet qiden. Qabal teetik qari gidaar kee faariisal caxite. Yaahû-gaari giitak beyta faroosa amot teetik taqqa 'yeh.

2 Malikwa 9:35

Sarrak sahda tet taagaqu gexxe waqdi, moyyâ-lafa kee, gaboobi kee ibitteh lafoofik sarrah tu magennon.