2 Malikwa 9:18 - NABUWWA KEE MALIKWA

¹⁸ Farasat yan num Yaahu fan yemeeteeh, too waqdi iyyemii, «Malik, ‹Akah, temeetem nagaynaa?› kok iyyah yan» kaak iyye. Yaahu kaal gacsemii, «Wohut waytam mantuk, darret yok gac» kaak iyye. Sarrak woo fayya le aracal dacayrih suge qaskariiti iyyemii, «Farasat gaceh gexe num akah gexe mara fan gufeh immay aduurih kaa mabla» iyye.

2 Malikwa 9:18 Referans Kwoze

2 Malikwa 9:22

Too waqdi Yooram, «Akah temeetem nagaynaa?» kaak iyye. «Ku ina Idebal qimbisse xeet kee coox yaqbudeenim kee sicri abaanam tanim fan, maa nagayna tan?» kaak iyye.

2 Malikwa 9:19

Too waqdi aki qaskariita ruubeeniih; too num kaadu, «Malik, ‹Akah, temeetem nagaynaa?› kok iyyah yan» kaak iyye. Yaahu woo numuk kaadu, «Wohut waytam mantuk, darret yok gac» iyye.

Ermiyaas 16:5

«YALLI qagseh yok iyyemii, ‹Sahda elle rookitah table qari maculin. Faxe numih rabah marookitin. Anu ahak wadir a marak inni barkat kaleeh, keenih luk suge kacanuk raaqeeh, keenih maxuwaawa.

Yasaqya 59:8

Amaan le gita mataaxigan; qadaalatak ane wannaanim abtan. Makoh yan gitat gexxaanaah woo gitat sin lih gexe mari amaan way magenna.

Yasaqya 48:22

«Umaane le mari amaan mageya» 'yaanam iyya YALLI.

2 Malikwa 9:17

Yidraqel magaalal sinam akak wagtan fayya le aracal suge dacayrih yan qaskariiti, Yaahu kee kay mara amaatih yuble. Too waqdi, «Sinam amaatih able» iyyeh deero abe. Yooram iyyemii, «Naqboytit kinnoonum kee kacnoytit kinnoonum keenik yubleh yamaatu waa num farasat rub» iyye.

2 Malikwa 9:31

Yaahu gasoh afaak yemeete waqdi, «Biili baqalaw, duma Dimri akah qide innah biilu bahtehik, away maca wayta?» kaak inte.