2 Malikwa 9:11 - NABUWWA KEE MALIKWA

¹¹ Sarrak Yaahu woo is lih tan qaskar abbobti fan yuduure waqdi, keenik numuk teeni kaak iyyemii, «Nagaynaa? Ama cabuli akah yemeetem macaa?» kaak iyye. Usuk keenik, «Usuk kinni num maay taaxigeeni? Edde yaabe yab maay teexegen?» keenik iyye.

2 Malikwa 9:11 Referans Kwoze

Ermiyaas 29:26

«Xafanyaw, YALLI Yoyadaq aftok, isi-Qibaadah-Qarih addal seekak abba koo abe. Tonnah yan numuh elle tani'kkel tibba intam koo maceltaay; cabuliy nabi kinniyo iyyahiyyak iba kee gaba namma-caxxih fanat uxuyya heenih, fillat kaadu birti silsilat kaak yaxeenim kol tan.

Hosiqa 9:7

«Digaala siinit edde takku wayta uddur xayyooweh. Too saaku siinih taguude digaala siinit akkele. Sin garil nabi duquruuy; Yallih wacyi elle oobe num cissit ane waa numuh tablen. Kaxxa dambit asseenimih sabbatah, nabi kaxxam niqibton.

2 Malikwa 9:22

Too waqdi Yooram, «Akah temeetem nagaynaa?» kaak iyye. «Ku ina Idebal qimbisse xeet kee coox yaqbudeenim kee sicri abaanam tanim fan, maa nagayna tan?» kaak iyye.

2 Malikwa 9:19

Too waqdi aki qaskariita ruubeeniih; too num kaadu, «Malik, ‹Akah, temeetem nagaynaa?› kok iyyah yan» kaak iyye. Yaahu woo numuk kaadu, «Wohut waytam mantuk, darret yok gac» iyye.

2 Malikwa 9:17

Yidraqel magaalal sinam akak wagtan fayya le aracal suge dacayrih yan qaskariiti, Yaahu kee kay mara amaatih yuble. Too waqdi, «Sinam amaatih able» iyyeh deero abe. Yooram iyyemii, «Naqboytit kinnoonum kee kacnoytit kinnoonum keenik yubleh yamaatu waa num farasat rub» iyye.

2 Malikwa 5:21

Sarrak Niqmaan lakat gexe. Niqmaan, yarde num lakak kaa katayam yuble waqdi, amot akak suge gaarik obba 'yeh kaah garaye. Sarrakaay, «Macaay, tekkem tani'nnaa?» iyye.

Yasaqya 59:15

Yaaminen mari mayanaay; umaanek waasiminnaan numuk amot gacen. YALLI aham yubleeh, qadaalat ane waam yuble waqdi faxe cineh.

2 Malikwa 4:26

Tet fan gexay nagaynah temeetem keeh tet esserey. Tet baqala kee baxa nagay tanim keeh tet esserey» iyye. Gecdi woh tet essere waqdi kaak, «Inkih nagay tan» kaak inte.

2 Malikwa 9:2

Wokke gufta waqdi, Yaahu deqsita num gorris. Yaahu, Yacoosafat deqsita numih baxak taniih, Nimsi deqsita numuk kaadu baxi baxak tan. Kaa geyta waqdi, kataysiisik kaa baxissa haay, dibuk yan qari kaa bey.

2 Malikwa 9:12

«Aleey, maaxaginninok, neh warisey» kaak iyyen. Too waqdi usuk keenik iyyemii, « Usukuuy, ‹YALLI kok iyyaamah: Israayil-malik takke'gidih koo askute› 'yaanam yok iyye» keenik iyye.