2 Malikwa 8:16 - NABUWWA KEE MALIKWA

¹⁶ Acab-baxi-Yooram Israayil-malik yekkeemih konoyhaytô-sanat yekke saaku, Yacoosafat-baxi-Yacooram Yuudâ-malik yekke.

2 Malikwa 8:16 Referans Kwoze

2 Malikwa 1:17

YALLI Eliyyasah elle warseeh, Eliyyas kaadu Acadyah elle warse'nnal, Acadya rabeh. Acadya lab-xaylo luk mananna. Tonna-leemik kay toobokoyti Yooram kay aracal gace. Yooram malik edde yekkem, Yacoosafat-baxi-Yahooram Yuudâ-malik edde yekkeemik nammeyhaytô-sanatak ten.

2 Malikwa 3:1

Yuudâ-baaxoh-Malik-Yacoosafat reedeemih taban kee bacra sanat yekke saaku, Acab-baxi-Yooram Israayil-malik yekke. Samaariyah magaalal taban kee namma sanatah malikih suge.

1 Malikwa 22:50

Yacoosafatal amri yemeeteh, Dawud-Magaalah malik-buxah-mara edde yoogoqen *kabrit kaa yoogoqen. Tohuk lakal kay baxi Yahooram kay lakal kay arac ciggiile.

1 Malikwa 22:44

Yacoosafat Israayil-malik lih bica haysiteh yen.

1 Malikwa 22:42

Qumrik soddom kee koona liggidat yeneeh; labaatanna kee koona sanat abbootan luk suge. Kay ina Qaduuba deqsitta barrak teneeh; Silci deqsita numih baxák ten.

1 Malikwa 22:51

Yuudâ-malikih yen Yacoosafat reedeemih taban kee malcina karma tekke saaku, Acab-baxi-Acadya Israayil-malik yekke. Usuk Samaariyah-magaalal Israayil-rasu namma sanat xiinisak suge.

2 Malikwa 8:25

Acab-baxi-Yooram Israayil-malik yekkeemih taban kee namma sanat yekke saaku, Yacooram-baxi-Acadya Yuudâ-malik yekke.

2 Malikwa 11:2

Acadyâ-baxi-Yooqas dibuk raaqe. Aki mara lih kaa qide raareeni'mmay, kay annay Yahoosebqa deqsitta kaa raaqisseh rooci kaak waddeh. Is Acadyak abbâ-baxák teneeh Malik-Yacooram-baxák ten. Is Yooqas kee, inah innal kaa dacrisak sugte barra beyya hayteh, Yallih Qibaadah Qarih addat xinti-aracat ken tooqore. Toh akah abtem, kaa qide waana'gidik ten.

2 Aydaad 22:1

Duma Qarabak tu takke maritteeta Yuudâ-baaxo warar abte waqdi, Yahooram xaylok Acadya deqsita baxay barah inkih salafat yanihiyyak kalih xaylo inkih qideenih sugen. Tonna leemiik Yarusalaam magaalah mari, kay abbah aracal malikih kaa heen.