2 Malikwa 7:6 - NABUWWA KEE MALIKWA

⁶ Yalli, Suuriyah-marat mango qaskaray gaariira kee faariisa lehiyya amaatih yaabbeenim keenit celsiise. Too waqdi Suuriyah-mari tittak iyyemii, «Israayil-mari, Ciita kee Masri malikwa kee ken qaskar amma 'yeenih qeebi net abaana'gidih, maalut xaamen» iyyen.

2 Malikwa 7:6 Referans Kwoze

2 Samuwel 5:24

Tokkek coox amook ibi maaqattah anay kol radu waa waqdi, qeebih gaba qid. Macaay intek, Filistiin-marak tayse'gidih, foocat anu kok gaceyyo» iyye.

Yasaqya 31:1

Masri fan catoh gexa maraw, sin ikke tekkem ixiga. Isin cato Israayil doore Dageltay *kudduusuk yanil messertan; YALLAL kibaal mahaytaana'mmay, Masri-marih-fariisa kee, mango faras-gaariiray oson loonuhiyya kee, ken maray faras-amok-qeebi-abahiyyal kibaal haan.

1 Malikwa 10:29

Faaris-gaariira kaadu Masrik baahak yenen. Inki gaari lica boolih garsih keenik xaamakaay, faras kaadu bool kee kontom garsih keenik xaamak yenen. A mari sarrak, Ciita kee Suuriyah malikwal inkih, a duyye aylammuk yenen.

Yacedkel 10:5

Galwa-leemih galwak tawqeh tan xongolo, Qibaadâ-Qarik afa le kabu raaqa daaratal kinni way antaabbuk ten. A xongolo Nabaamak Naba Dageltih xongoloh anay luk ten.

Yasaqya 36:9

Masri mari gaariira kee faras qeebi aba mara siinih ruubaanamah, ni qaskarak gacca 'ya qaskariiti siinik aysele» yaanam anqaasah keenik iyye.

2 Malikwa 19:7

Toh lih kaadu kok iyyaamah, ‹Assuuriyah-malikil roocaaniyya ruubeyyo. Too waqdi asmat sinni xaagu aabbeleeh, isi baaxo fanah aduurele. Tokkel seefit kaa qidsiiseyyo› kok iyyah yan, kaak inxica› 'yaanam farmo baahe maral ruube.

1 Samuwel 14:15

Barril yanoonuu, carbi booxal yanoonu, *Filistiin qaskaray qarwat sugtet kaadu cunxoh axaxo keenit hayte. Tohut yanin waqdi baaxo edde tengeyyeh. Too saaku too marat Yalli badit kee meysi ruube.

1 Samuwel 26:6

Too waqdi Dawud Acimalek deqsita numuy Ciitâ-marah yooboke kee Abiisay deqsita numuy ina Yowab deqsita num lih luk yenehiyyak, «Sin nammayak Saawul xiinit elle yan arac yo'lih gexxu waytam iyya?» iyye. Abiisay too waqdi, «Anu gexeyyo» iyye. Abiisay Yowab toobokoytah yen. Ina keenik Dawud annak ten. Tet migaq Xaruyak ten.

2 Samuwel 10:6

Sarrak Qammon mari, Dawud naqabu xaamiteenim isinnik yeexegen. Tohuk gexxaamah, Suuriyah baaxok Beet-Racob kee Xooba deqsitta namma rakaakayak labaatanni alfi qaskariita lakqot bahsiisen. Tonnah kaadu, Toob rasuk taban kee namma alfi qaskariita kee, Maqka deqsitta baaxoh malik kee alfi qaskariita lakqot bahsiisen.

2 Malikwa 7:5

Sarrak bari yekke waqdi, Suuriyah-marih arac gexen. Wokke gufen waqdi, num keenih elle masuginna.

Ermiyaas 46:21

Oson maalut xaamen qaskar arooduh awur innah gacteh tani'mmay, qeebil masoolaanaay, awyah hayya heeloonu'kkal, qeebi maaban. Edde digaalimoonu waan ayroy YALLI bala keenil oobisu waahiyya xayyowteh.

Yacedkel 1:24

Haadan waqdi galway tittat keenik booddah anay oobbe. Too anay roobuy yangudehiyyah anay luk yen. Tonnah kaadu mango macaxuy waxxaq iyyah anay luk yeneeh; Nabaamak Naba Dageltih xongolo kaadu ceelak yen. Haadak suggu 'yeenih yeeden waqdi, rooci-leemik kulli ti isi galwa xambaqqa hee.

Makaabon 7:21

Kulli num keenik woo mari elle yinfiddige aracih deraafil soolol gace. Too waqdi taaxige-mari yakkeemiik deero abak kuden.

1 Malikwa 20:20

Furraynah ten qaskarak kulli numuuy isih lih yoome num qide. Sarrak Suuriyah-mari kudeh, Israayil-qaskar lakak ken yeyreddeeniih; Banihadad too waqdi farasat koreh yisillime. Faariisah amot yan gersi mari kaadu kaa lih gexe.