2 Malikwa 6:12 - NABUWWA KEE MALIKWA

¹² Keenik numuk teeni, «Yi malikow, woo numih qaxa num nek mayana'mmay, nabi Eliisaq atu isi buxah addal kinni way sirrih yabta yab Israayil-malikih warsa» iyye.

2 Malikwa 6:12 Referans Kwoze

Qaamus 3:7

Tonna'mmay YALLAY Mulki le kaadu, nabuwway kay naqoosah tanihiyyah takku waytam naharal warse'kal tu maaba.

Daaniyel 2:47

Tohuk lakal kaadu iyyemii, «Ku Dagelti yallittek naba Dageltaay; malikwâ Malik kinnih; sirrih tanim taybulleem kaa» iyye. «Woh elle aaxigem, sirrih taniimik adda yoh warisseh» kaak iyye.

Yasaqya 29:15

Edde tanin mala YALLAK yaaqurem yakkale maraw, sinim tekkeh! Uma-taama bar ditet abaah, «Nanu abnam iyyi nek yableeh, iyyi yaaxige?» 'yaanam intan.

2 Malikwa 5:3

A baxuwwa ayrok teena Niqmaan-barrak, «Yi qammi Samaariyal yan nabi fan gexinnay, woo nabi a biyaakak kaa urusak yen» inte.

2 Malikwa 5:8

Nabi Eliisaq ah yoobbe waqdi, malikih farmo ruubeeh iyyemii, «Isi sara maca qanxisseeh? Ama num yol rub. Israayilil nabi yanim kaa aybulleeyyok» iyye.

2 Malikwa 6:11

Suuriyah-malik tah yoobbe waqdi, kaxxam yinqibeeh qaskar-abbobtih inkih secca 'yeh annah iyye, «Siinik Israayil-malikih-qaxat tanim miyyaay?» iyye.

2 Malikwa 6:13

Too waqdi malik iyyemii, «Usuk elle yani ikke gorrisa; kaa yibbixeh baahu waa mara ruubeyyok» iyye. Eliisaq Dootan-magaalal yanim kaah warsen waqdi,

2 Malikwa 5:26

Eliisaq kaak iyyemii, «Woo num gaarik oobeh koh garaye waqdi, wokkel yi roocaaniyya ko'lih manannaa? Aham lakqooy sartan kee, hinnay kaadu, *daytuun coox kee qinab caxah buqreh baaxooy, laa kee illiiy naqoosa edde beyan wakti hinna'nnaa?

Yasaqya 8:10

Abtoonu waytaanamal malisa'mmay siinil mabicta. Faxxeenih gide yaabita'mmay toh inkih tu maxiqta. Macaay inteenik, Yalli ne'lih yan.