2 Malikwa 5:5 - NABUWWA KEE MALIKWA

⁵ Too waqdi malik iyyemii, «Gexay; Israayil-malikih warkat ruubeyyooh kaal ucuy» iyye. Niqmaan lakqok soddom alfih garsi takkem kee dahabak laca alfih cabbataay, kalah kaadu sartanak tabna cabbat gabat hayya heeh wokke gexe.

2 Malikwa 5:5 Referans Kwoze

Makaabon 14:12

Ayrok teena Samsoon annah keenik iyye. «Ixig-ixiga sin esseru waa. A ixig-ixigak maqna, digib gaba kale'kal malcina ayroh addat yoh warisseenik, soddom dallaabiyay *baftak bicseeni kee, kulli numuh kaadu guba kee dagak dudda sin haa sartan yol yan. Tonna hinna'mmay, ta ixig-ixiga afdige wayteenik, too gide siinil tan» keenik iyye. Osonuu, «Lito ixig-ixiga hay baahey, naabbu waynak» kaak iyyen.

Yasaqya 5:5

«Aysa mala teetih malsah, reebuh teetih xise gaso butukka teetik hee liyo. Tet dariifat reebuh yan coox bayseyyoh; dibuk raaqele. ‹Alluwwa tet tattakambay, ken gadda takkay› axceyyo. Ibah teetit aaqitelon.

2 Malikwa 4:42

Ayrok teena num Baqal-Saliisa deqsitta baaxok, woo sanatal naharat orbe gabru deqsitta darok bicsen labaatanni gaqamboyta kaah baahe. Toh lih kaadu woo waqdi yirgiqen daro kaah baahe. Too waqdi Eliisaq isi kaadintuk, «A maaqot woo butta takke nabuwwa adoobis» iyye.

1 Malikwa 22:3

Acab isi qaskarih abbobtik iyyemii, «Aham fanah Suuriyah-malikih-gabat tan Gilqad-rasul tan Raamot-magaala gacisna'gidih, tuk teena akah abe waynam macaay? Woo magaala ni magaala kinnim mataaxigaana innaa?» iyye.

1 Malikwa 13:7

Sarrak malik kaak iyyeemih, «Yoh abte maqaaneh galto koh gacseyyok, buxa nee bey, maaqo xagta'gidih» kaak iyye.

2 Malikwa 5:4

Niqmaan ah yoobbe waqdi, malik fan gexeeh, woo baxuwwa intem malikih warse.

2 Malikwa 5:6

Malik kaal ruube warkatal kutbeh tenemii, «A warkat gabat baahu waa num Niqmaan deqsitaah, usuk yi qaskarih abbah yan. Usuk le dalkak kaa urus» 'yaanam elle tan.