2 Malikwa 5:13 - NABUWWA KEE MALIKWA

¹³ Too waqdi kay gubal yan mari kaal gexeh kaak iyyemii, «Yi abbaw, nabi gibdim ab kok iyyek, woh abe raarreh tanik. Away hay, nabi kok akah iyye innah urta'gidih, gexxeh macah kaqale waytaa?» kaak iyyen.

2 Malikwa 5:13 Referans Kwoze

2 Malikwa 6:21

Israayil malik a Suuriyah-mara yuble waqdi, «Yi abbaw, ken qidoo? Ken qidoo?» iyye.

2 Malikwa 13:14

Wohuk duma, nabi-Eliisaq kaxxa lakimah lakmiseeh; kaxxam biyaakitaah deerih yan waqdi, Israayil malikih yen Yahoqas kaat boysita'gidih yemeete. Kaa yuble waqdi amol kaak weeqeeh, «Yi abbaw, yi abbaw, Israayil kalaluh lem kook sugte» axcuk boogise.

2 Malikwa 2:12

Eliisaq toh yubleeh; too waqdi Eliyyasah deeriseeh, «Yi abbaw, yi abbaw, Israayil gaari kee faariisah maraw! Gexxeh, gexxeh!» iyye. Tohuk wadir Eliisaq, Eliyyas abaluk maraaqinna. Sarrak Eliisaqah abe rookah saro namma'kkel isik qanxise.

Malaaki 1:6

YALLAY Nabaamak Nabahiyya seekak iyyeemih, «Siinik axcem oobbeya. Baxi abba yassakaxxeeh; saq-duwayti akah taamita num yassakaxxeh. Hay, anu abba siinik kinniyok, macah yoo assakaxxe waytan? Sin Dagelti yoo kinni way macah yoo assakaxxe waytan? Seekay, yoo bursuttam siini. «Takkay immay isin, ‹Nanu koo elle bursunnam mannaay?› intan.

Yasaqya 1:16

Xagar isinnik taahirroysay, tahaysa taahirik yan mara takkeenimi. Anu abah sin able uma taama caba. Umaane maabina.

2 Malikwa 8:9

Too waqdi Cadayel morootom rakub Damaskoh magaalal enna 'ta meqe duyyek eerra heeh Eliisaq fan gexe. Kaa fan yemeete waqdi iyyemii, «Ku baxi Banihadad, lakimak ure lem kee ure waam koo essera'gidih yoo ruube» iyye.

2 Malikwa 5:10

Eliisaq, kaadintu kaa fan ruubeeh; woo num kaak iyyemii, «Ordon-weeqaytut malcina adda kaqal. Toh abtek, dalkak tu ko'lih maraqtay taahirroowetto, kok iyyah yan» kaak iyye.

2 Malikwa 5:3

A baxuwwa ayrok teena Niqmaan-barrak, «Yi qammi Samaariyal yan nabi fan gexinnay, woo nabi a biyaakak kaa urusak yen» inte.

1 Malikwa 20:31

Too waqdi kay qaskarih-abbobti kaal gexxeh kaak intemii, «Israayil-mari-le-malikwa racmatta le 'yaanam noobbeh nanik, *qabuudu axcal ninnik uxuyyaay akoota ninnik fillat uxuyya hayneh, Israayil-malikil genxa'gidih idni neh ucuy; tonnal koo qide waam takkehik» kaak iyyen.

1 Malikwa 20:23

Malik-Banihadadak qaskar-abbobti intemii, «Israayil-marih-yallitte, qaleelâ-yallitte kinniimih sabbatah, qeebil nek yeyseenih. Takkay immay booxak-bagul qeebi keenit abnek, keenik aysenno.

1 Samuwel 24:11

Kameesik exxâ-baxa kok irgiqeeh, woo exxa ah teetiy gabat abbixe. Koo qidam niyat luk sugaamal, too way koo qidak en. Koo qidaamih fayxi alle waam tahal yok ixig. Yooy tu kol baahe weehiyyah qidimih yoo gorrisak takke fan temeetem koo.

1 Samuwel 28:23

Saawul teetik cineeh, «Maaqo makma» teetik iyye. Takkay immay kaa'lih yen mari kaadu maaqo yakme'gidih kaa kallacen. Sarrak oggoleeh baaxok ugutta 'yeh qarkaytol daffee.