2 Malikwa 3:11 - NABUWWA KEE MALIKWA

¹¹ Malik-Yacoosafataay, «Akkel YALLIH fayu elle esserra nabi mayanaa?» iyye. Malik-Yooram qaskarih abba iyyemii, «Saafat-baxi-Eliisaq yan. Usuk Eliyyasah catoh yen numu» iyye.

2 Malikwa 3:11 Referans Kwoze

1 Malikwa 22:7

Yacoosafat iyyeemih, «Ahak kalah YALLIH nabiy YALLI aba iyyam neh warisa mayanaa?» iyye.

1 Malikwa 19:21

Too waqdi Eliisaq uduurra 'yeh isi awurwa yusguudeeh; cado elle alaysa'gidih, buqure edde abak suge *madmad iggilla heeh elle alayse. Woo cado ummattah keefeeh, woo ummatta woo cado tokmeh. Tohuk gaba kale waqdi, kaa cata num yakke'gidih, Eliyyas kataye.

2 Malikwa 3:3

Tohuh, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya abak sugeeh; woo dambi le taamah abitto macabinna.

Qaamus 3:7

Tonna'mmay YALLAY Mulki le kaadu, nabuwway kay naqoosah tanihiyyah takku waytam naharal warse'kal tu maaba.

1 Aydaad 15:13

A saaku ah siinik akah axcemii, ahak duma a Sandug bahnam fanxe waqdi, isin masuginnitoonuuy; Yallih assanabbiyyah nek faxxintam elle abna'nna maaxaginninooy; tonna-leemiik YALLAY ni Dageltah yanihiyyah digaala nee maadde» 'yaanam keenik iyye.

1 Aydaad 14:14

Dawud kaadu qagteh, Yallal fayu essere. Too saaku Yalli kaak iyyeemih, «Akkel qeebi keenit maabinay; gexxa xicaay woo coox elle yani'kke gufta waqdi, qeebih bical gac.

1 Aydaad 14:10

Dawud Yallal fayu essereeh iyyemii, «Yi Dageltaw, Filistiin marat qeebi maay aboo? Qeebi keenit abek, nasri yoh maay acee litoo?» axcuk Yallal essero essere. YALLI kaal gacseemih «Yeeyik, keenik koo aysiiseyyok, gexay qeebi keenit ab» 'yaanam kaal gacse.

1 Aydaad 10:13

Saawul wonnah yan raba akah rabem, YALLAL faxxiimak yen imaan agaagul kaak yekkeemih rabe. YALLIH amri cineeh, YALLAL imaan haam hinna'mmay, rabe marih roocaaniyyal fayu esseraanam taamah haysite.

2 Malikwa 2:25

Tohuk lakal Eliisaq Karmel-deqsitta-qale yewqeeh, sarrak Samaariya fan yuduure.

Makaabon 20:18

Sarraa, Israayil mari Beetal deqsitta magaalal gaabooweeniih, «Yallaw, Benyam marat naharak qeebi abtu wayta kedo neh escessey?» iyyen. Too waqdi YALLIH garik, «Naharak gaaduh Yuudah yooboke mari gexay» inta qangara temeete.

Yoosuwa 9:14

Sarrak baahen maaqok tu takkem Israayil marah yeceeniih; Israayil mari woo maaqo haysiteh immay fayu YALLA messerinnon.

Yoosuwa 1:1

YALLIH-naqasuh yen Muusa rabek lakal, *YALLI, Muusa catoh luk yen Nuun-Yoosuwa lih yaabe.

2 Malikwa 3:10

Too waqdi Malik-Yooram iyyemii, «YALLI, sidocuy nakkek Mooyab-malikih gabal nee haam faxeh yan; ahaysa abnam neh maraaqinna!» iyye.

2 Malikwa 3:12

Too waqdi Malik-Yacoosafat iyyemii, «Tohuuy nummâ-nabi kinnih» iyye. Sarrak yakken sidocuk Eliisaq fan gexen.

Ermiyaas 37:17

Ayrok teena Malik-Xidkiya isi buxa kaa baaha iyyeeh, tokkel dibuk tani'kkel, «YALLAK temeete farmoh maca tan?» kaak iyye. Ermiyaas kaak iyyeemih, «Farmo tanih. Koo Baabelon malikih gabal heelon» kaak iyye.

2 Aydaad 18:6

Yacoosafat iyyeemih, «Ahak kalah YALLIH nabiy YALLI aba iyyam neh warisa mayanaa?» iyye.