2 Malikwa 23:4 - NABUWWA KEE MALIKWA

⁴ Tohuk lakal malik kaxxa seekih yan Cilkiyya kee, kay gubal tan seeka kee, YALLIH Qibaadah-Qarih culmak afal dacayrih yen marak iyyeemih, «Gexay, YALLIH Qibaadah-Qarih addal tan duyyey Baqal kee Aseera akak iyyaanamay yallah loonuh qibaadah heenihiyya, wokkeh addak eyyeeqa. Cutuukah qibaadah heen duyye kaadu wokkek addak kala» iyye. Too duyye tokkek yeyyeeqen waqdi, beyya heenih, magaalak afal Kidroon deqsitta goloh addal gira edde ruuben. «Too girak raaqe gombod Beetal fan beya» iyye.

2 Malikwa 23:4 Referans Kwoze

2 Malikwa 21:7

Yallih Qibaadah-Qarih addal woo migaaqah Aseera deqsittaamay yaqbudeenihiyyah astah heeh suge gurmudda hee. Woo ceelo elle heem, YALLI Malik Dawud kee Suleemanak, «Yi qibaada kulli way elle takke'gidih, Israayil taban kee namma kedo elle tan rasuk inkih Yarusalaam addal doore araca» akak iyye aracak ten.

2 Malikwa 21:3

Kay abba Ciskiyyaahu bayseh suge aroocay diini-maleela qibaadah luk sugtehiyya wadir nammeyhaak xise. Baqal elle yaqbudeeni'gidih, sadgat elle aban arooca bicse. Kaak dumal Israayil-malikih yen Acab akah abe innah, migaaqah Aseera deqsittaamay yaqbudeenihiyyah astah heenih sugen gurmudda soolise. Manasse cutuuka kaadu edde aqbuduk yen.

2 Aydaad 33:3

Kay abba Ciskiyyaahu bayseh suge aroocay diini-maleela qibaadah luk sugtehiyya wadir nammeyhaak bicse. Baqal elle yaqbudeeni'gidih sadgat elle aban arooca bicse. Aseera deqsittaamay yaqbudeenihiyyah astah heenih sugen gurumuuda soolise. Manasse cutuuka kaadu edde aqbuduk yen.

2 Malikwa 25:18

Qaskar abbah yen Nabudardan wohuk kalah, Seraaya deqsita kaxxa sek kee, Seraayal kataata nammeyhaytoh-seekiy migaaqah Xafanya deqsitahiyya kee, Yallih Qibaadah-Qarih afal dacayrih tan qaskarih sidoc seewah gabat luk gexe.

Qaamus 4:4

YALLAY Mulki le iyyaamah, «Israayil maraw, fardi siinit celtek, Beetal gexay dambit asa. Gilgal gexay, dambik dudda hayteenim aba. Yok wayteenik, maacak maaca sadgatah lac baahay qidaay, sidochaytoh ayro dakaat ucuya.

Hosiqa 4:15

«Isin Israayil maraw, yoo ganteenih. Yuudâ mari sin akke way! Gilgal kee Beet-Awen magaaloolil qibaada maabina. Yi migaaqay waarahiyyal maxiibitina.

Ermiyaas 52:24

Qaskar abbah yen Nabudardan, wohuk kalah, Seraaya deqsita kaxxa sek kee, Seraayal kataata nammeyhaytô-seekiy migaaqah Xafanya deqsitahiyya kee, Yallih Qibaadah-Qarih afal dacayrih tan qaskarih sidoc kee,

Ermiyaas 7:9

Garqa abtaanaah, sahda qiddaanaah, dalwa abtaanaah; diraabay taceenihiyya numma sinaamat celsissaana'gidih, xiibittaanah. Baqal akak intan gabak bicissen ceeloh dooqa axcuk qaydarus rubtan. Duma aaxige waak sugten duyyeeya Yalla axcuk taqbuden.

Yasaqya 27:9

Tonnal dambi keenik katele. Israayil mari edde ase umaanek qafu geen saaku aham akkele: sadgatah xeetik bicsen mansaf, bardak bicsen xisneh innah, iggilla heelon; riira akkele. Aseeral yaaxigen gurmuuday qibaada akah abak sugeeni, qaydarus elle ruuban mansaf soolak maraaqa; bayele'kkal.

2 Aydaad 33:7

Yallih Qibaadah-Qarih addal gabak bicsen ceeloy yaqbudeenihiyya hee. Woo ceelo elle heem, Yalli Malik-Dawud kee Suleemanak, «Yi qibaada kulli way elle takke'gidih, Israayil taban kee namma kedo elle tan rasuk inkih Yarusalaam addak doore araca» akak iyye aracak ten.

2 Malikwa 23:15

Yoosiyaahu, Nabát-Yarobqamay Israayil mara dambit asisehiyya, Beetal deqsita aracal, gabak bicsen duyyeh-ceelo elle yaqbudoonuh heeh suge arac kee sadgat elle aben mansaf yiggileh. Too duyyeh qibaadah aracay tokkel hee sugehiyya butukku heeh, xeet akak iggiggilla heeh, gomboduh gacissa hee. Aseera akak iyyan duyyey say-yallah luk sugeenihiyyah soolisen gurmuddat gira ruube.

2 Malikwa 22:4

Farmoh kaah ruubeemih, «Kaxxa seekih yan Cilkiyya fan gexay, intaamah, ‹YALLIH Qibaadah-Qari akak culan culmal tan seeka, ummatak lakqok gaabossem kinnih gide esserra ken haay;

2 Malikwa 17:16

YALLAY ken doorehiyya keenil oobise amri cineeniih, Yallih aftok dahabak bicissa heen namma daheltih ceelo yuqbuden. Migaaqah Aseera deqsittaamay yaqbudeenihiyyah astah heenih sugen gurmudda soolisen. Tohuk kalah, cutuukâ-qibaada kee Baqal-deqsitta-duyyeh-qibaadat gacen.

1 Malikwa 19:18

Takkay immay yol imaan luk sugeeh, Baqal-akak-iyyaanamah-qibaada elle abaana'gidih gabak bicsen duyyeeyah gommoh rade weeh, woo ceelo fugute wee maray malcina alfih num yakkehiyya rooci luk ken cabeyyo» iyye.

1 Malikwa 18:40

Eliyyas too waqdi, «Baqal-nabuwwa ibbixaay baaha. Num keenik gexe kalay ken baaha» iyye. Ummatta woo nabuwwa inkih tibbixeeh; too waqdi Eliyyas, Kisyon-weeqaytu fan beyya ken heeh, weeqayti-garil ken qidsiise.

1 Malikwa 18:26

Oson too awur beeniih usgudday niyyassa heenih, maacak xabba haanamaay dohri tikka 'yam fan dooqa abak sugen. Anay fayya haak, «Baqalow, innam nek oobbey, innam nek oobbey» iyyeeniih; toh lih kaadu, woo kaah sadgat elle abaana'gidih xisen aracat meekitak, way kaqitakaay way kaadu argaduk aseeni'mmay, keenil gacsem matan.

1 Malikwa 18:19

Taway Israayil marak inkih, Karmel qalel yot ongoorowa inxic. Baqal-nabuwwak affara bool kee kontom gabat bah. Say-yalla akak iyyan duyyey migaaqah Aseera akah iyyaanahiyyay ku barra Idebal cato akah abtahiyyah nabuwwak affara bool gabat bah» kaak iyye.

1 Malikwa 16:31

Kaak dumal malikih suge Nabát-Yarobqam abak suge umaane kay garil inkinnah tuk masuginnaay, dambi abitto wohuk lafittam baahe. Etbaqal-deqsita-numuy Saydâ-marak-malikih yenehiyyak Idebal-deqsitta-baxá rihimih abite. Tohuk lakal Baqal akak iyyaanam diini-maleela Yallih aftok taqbudehiyyah qibaadat gace.

1 Malikwa 12:29

Too namma daheltih ceeloy bicsehiyyak tiyak teena Beetal deqsita aracal heeh, akittu Daan deqsita aracal hee.

2 Samuwel 15:23

Dawud kataata mari foore waqdi, ummatta weqteh. Sarrak Dawud kee Dawud-mara Kidroon deqsita buyyik sinam elle dago baaxo fanah haysiten.

Makaabon 2:13

Too mari YALLA cinna heeh, Baqal kee Qastarot akak iyyan duyyeh qibaadat gacen.

2 Malikwa 21:5

Qibaadâ-Qarih-gasok adda le kabuk namma daaratal inkih, cutuuka elle yaqbuden arac bicse.

2 Malikwa 23:12

Yuudâ-malikwa, Malik-Acad buxah amol hayteh sugte mansafittey xeet kee cooxuk bicsen duyyeh qibaada elle abak sugeenihiyya kaleh. Tonnah kaadu, Malik-Manasse qibaadah hee suge mansafittey YALLIH Qibaadah-Qarih namma daaratal sugtehiyya kaleh. Too mansafitte bututtukka heeh, riira keenik Kidroon deqsitta goloh addal qide.

Yacedkel 8:6

Too waqdi Yalli yok iyyeemih, «Bani-adantow, ama'kkel takkem tablee?» yok iyye. Qagissa heeh, «Israayil mari aba qaybih tan taama ubuley. Tama table qaybik gexxaamah, yi aracay taahirik yanik yoo yeyxeereenih. Ahak sarra amahak gaca qaybi elle yakke arac abletto» yok iyye.

1 Malikwa 15:13

Isi aboyyay migaaqah Maqka deqsittaah, ‹Inah tan maliká› 'yaanam akah axcuk sugeenihiyya woo abbootanak kaleh. Tet abbootanak akah kalem, say-yalla akak iyyan duyyey migaaqah Aseera akah iyyaanahiyyah gurmudday umâ-yabulih-tani soolisseh sugte. Aasa too gurmudda kalla heeh Kidroon migaq le goloh addal carrise.

2 Malikwa 10:26

Woo saytun-qamiddu akak axcuk sugen qamidduy wokkel sugehiyya afah yeyyeeqeenih cararisen.

2 Malikwa 12:10

Sandugut mango lakqo gacinnaan waqdi, malik-kutbe-abeena kee kaxxa sek amma 'teh woo lakqo lowwu heenih sarrak olot haak sugen.

2 Aydaad 15:16

Malik Aasak aboyyah ten barray migaaqah Maqka deqsitak teneh ‹Inah tan maliká› 'yaanam akah axcuk sugeenihiyya woo abbootanak kaleh. Tet abbootanak akah kalem, say-yalla akak iyyan duyyey migaaqah Aseera akah iyyaanahiyyah gurmudday umâ-yabulih-tani soolisseh sugte. Woo duyye wokkek kallaay iggiggilla heeh, Kidroon-goloh addal girat carrise.

Xafanya 1:4

YALLI qagseh kaadu iyyeemih, «Yarusalaam mara kee Yuudâ kedoh ubukka 'ye mara digaaleyyo. A Baqal akak iyyan duyyey qibaada akah abaanahiyya raat cabsiiseyyo. Baqal qibaada elle aban aroocal Baqal yaqbude mari seekah le mara kee yot darre cabte seeka raat cabsiiseyyo.