2 Malikwa 21:4 - NABUWWA KEE MALIKWA

⁴ YALLIH Qibaadah-Qarih addal, diini-maleela taqbude sadgat elle aban arooca bicse. Woo sadgat arooca elle bicsem, YALLI duma «Yarusalaamal yi qibaada elle takke'gidih doore» akak iyye aracak ten.

2 Malikwa 21:4 Referans Kwoze

1 Malikwa 8:29

A qarik bar kee loqoh amo wagit. A qariy ku qibaada-elle-takke'gidih doortehiyyah fan ufkunna exceh kulli waqdi abah an dooqa yok raabit.

2 Samuwel 7:13

Qibaadâ-Qari yoh xissu waytam, ku xaylok too numu. Kay reeda baxak baxal akah raqta'nnah abeyyo.

Ermiyaas 32:34

Yoo elle yaqbuden qarih addal, umâ-yabulih tan duyyey Yallih innah yaqbudeenihiyya heeniih, yi Qibaadah-Qari nadaasa aben.

1 Malikwa 9:3

YALLI kaak iyyeemih, «Abte dooqa kok oobbeh. Atu xisse qari taahirroyseeh; kulli way yoo elle yaqbudoonu waan qari kinnuk, ahaysa yi inti kee yi afqado kulli waqdi kaa dacrisele.

Ermiyaas 32:31

Yarusalaam mari a magaala xissimma 'teemiiy akke fan, naqabu kee bagcarra yot qidak sugen. Tohih sabbatah a magaala baysaamat emeete.

Yacedkel 23:38

Oson aben dambi amahat taadeem hinna. Too saaku yi qariy yoo elle yaqbudeenihiyya nadaasa aben. Anu yoo edde uqbuda exce Sabti ayro xagure waanam baahen.

2 Malikwa 23:12

Yuudâ-malikwa, Malik-Acad buxah amol hayteh sugte mansafittey xeet kee cooxuk bicsen duyyeh qibaada elle abak sugeenihiyya kaleh. Tonnah kaadu, Malik-Manasse qibaadah hee suge mansafittey YALLIH Qibaadah-Qarih namma daaratal sugtehiyya kaleh. Too mansafitte bututtukka heeh, riira keenik Kidroon deqsitta goloh addal qide.

2 Malikwa 23:27

Tohuk gexxaamah YALLI iyyeemih, «Duma Israayil-marak abba heem Yuudâ-marak abeyyo. Yuudâ-mara inni foocak kaleyyo. Yarusalaam-magaalay inni magaala akak exceh suge kee, Qibaadâ-Qariy yoo elle yaqbudoonuh doore excehiyya yim hinna» 'yaanam iyye.

2 Aydaad 6:5

‹Inni mara Masrik eyyeqqa heemiiy akke, Israayil baaxol yoo elle yaqbuden qari elle xisan magaala dooreh masuginniyo. Yi mara miraacisu waa num duma dooreh masuginniyo.

2 Aydaad 6:6

A saakuh tu gactek, yoo elle yaqbuden qari xisaana'gidih, Yarusalaam magaala dooreh aniih; kaaduuy, Dawudow, yi ummat xiinissa'gidih koo doore› 'yaanam kaak iyyeh suge» iyye.

Ermiyaas 7:30

« ‹Macaay inteenik, Yuudâ-mari umâ-yabulih tanim abe. Yoo elle yaqbuden yi Qibaadah-Qaril, umâ-yabulih tan duyyey yi aftok yaqbudeenihiyya heeniih, qari nadaasa yok aben. Tah intam yoo YALLA.

Ermiyaas 32:35

Baqal akak iyyan gabak bicsen duyyey yaqbudeenihiyyah, Hinnom-Golo deqsita aracal, sadgat elle aban arac xiseeniih; tokkel migaaqah Molok yalla akah iyyan duyyey yaqbudeenihiyyah sadgatah isinni xaylo yusguuden. Annah tanim anu keenik aba excem hinna. Annah tanim yi kasal way temeetem hinna. Yuudâ-mari annah taniimiy umâ-yabulih tanihiyyay dambi keenil takkehiyyat aseloonum makkalinniyo» 'yaanam iyye.

Yacedkel 23:39

Xeet kee cooxuk bicsen duyyeh sadgatah yi xaylo qidda heenik sarra, yi qariy yoo elle yaqbudeenihiyya yemeeteeniih, nadaasa aben. Yi qaril toh aben.