2 Malikwa 2:19 - NABUWWA KEE MALIKWA

¹⁹ Yerikô-magaalah marak tu takkem kaal temeeteeh annah inte. «Atu akah taaxige innah, a magaala meqe aracal xiseeni'mmay, lee akak mameqeey, ta lee daro mataysubuka» iyyen.

2 Malikwa 2:19 Referans Kwoze

1 Malikwa 16:34

Acab malikih yen saaku, Beetalal yooboke Ciyel Yerikô-magaala nammeyhaak xise. YALLI Nuún-Yoosuwak elle inxicca iyye'nnal, Ciyel Yerikô-magaala nammeyhaak bicsa'gidih rakiibo akah hee saaku, naharsi-baxi kaak rabe. Too baxi migaaqah Abiiram deqsitak yen. Aki baxay barah kay xaylok inkih wadirit yenehiyya, woo magaala akak culan afah bicsat yan saaku kaak rabe. Too baxi migaaqah Sagub deqsitak yen.

Hosiqa 9:14

Nabi Hosiqa iyyeemih, «YALLAW, a marak maca abeh meqe? Agabu fanak keenik xalisay, angu keenik kafis» iyye.

1 Malikwa 18:7

Qobadya woo gexoh gexa waqdi, garciik Eliyyasat garaye. Qobadya kaa yeexegeeh, too waqdi addah qununna 'ye. Sarrak, «Yi nabiyow, Eliyyasaw, ah nummaak koo?» iyye.

Yoosuwa 6:26

Too saaku Yoosuwa keenik iyyemii, «Yerikô-magaala nammeyhaak xisu waa num YALLIH abaaro geele. A magaala xisa'gidih makaado hayu waa saaku, naharsi-baxa weeleeh; teetik alifu bicisu waa saaku, ellecabol kaah yooboke lab-baxa weele» 'yaanam digga luk keenih qaddoyse.

Yoosuwa 6:17

Sarrak kaadu iyyeemih, «A magaala kee tet addal tanim inkih YALLIH sadgatah bayisa. Racab deqsitta xiiqareh xiinah ten barra nanu gibah rubne mara neh tooqoreemih sabbatah, tet buxah mara kee tet maxagina.

1 Malikwa 18:13

Malik barrah tan Idebal nabuwwa qidak ten saaku, anu bool nabi namma kontomul baxissa heeh gablah addat ken uqurat makmok maqub amoh keenih baahak suge num kinniyom maay toobbee?

2 Malikwa 2:18

Too waqdi Eliisaq fan yuduuren. Eliisaq Yerikô-magaalal keenih sugeeh, « ‹Magexina› siinik maxacciyoo?» keenik iyye.

2 Malikwa 2:20

Too waqdi iyyemii, «Qusba sacnil qasboyta hayya haay yol baaha» iyye. Kaal baahen waqdi,