2 Malikwa 19:21 - NABUWWA KEE MALIKWA

²¹ tonna-leemiik kaat takku waytam koh warisu waa› kok iyya. YALLI Sanceeribik iyyam ah teeti: «Siyon-qaley taahirik yani koo buruteleeh kol anqaasele; Yarusalaam-magaala atu kudda way burah af kol raqeeqisele.

2 Malikwa 19:21 Referans Kwoze

Ermiyaas 14:17

Kaadu qagseh iyyemii, «Keenik intaamah, ‹Yi maraw, isin uma mudumuh muddumtoonu waytaanaah, kaxxam biyaakittoonu waytaanam ableeh; tohuk gexxaamah, bar kee loqoh intik ximo yok caxittaah, kulli way siinih abah an weeqat an› keenik inxic.

Zakariyya 9:9

YALLI iyyeemih, «Siyon maraw, afracuk ifrica! Yarusalaam maraw, qililisa! Sin malik sin fanah yamaateh yanik wagita! Sin malik qadaalat leeh; nasri luk yamaateh yan. Takkay immay qunxa num tikka 'yeh dananal gaceh yamaateh yan; oklô-baxih amol gacca 'yeh yamaateh yan.

Miika 4:8

Siyon-qaley, duma akah sugte'nnal, yi marah reebu akkettooh; Yarusalaam dumaak akah sugte baaxok inaytâ-magaala akkele» iyye.

Qaamus 5:2

Israayil ummat seefit tinnikisseeh, ahaysa uguttam madudda. Ken baaxol dibu ken cabeeniih; ken cattaah, ken ugussam matan.

Ermiyaas 46:11

«Boolaateh yan Masri maraw, Gilqad fanah gexay dayla goransita. Mango dayla gabbattaanamah tu siinih maxiqta.

Ermiyaas 31:4

Kiciyyo Israayil maraw, ahak sarra sin xiseyyo; ahak sarra karambo xabqet hayya hayteenih farcatah digiretton.

Ermiyaas 18:13

YALLI iyyemii, «Israayil rasul ahayduma akke waytem tekkeh tan. Lubnaan rasul tan qaleelah amol arroqle kibuk suge wayta ayro masuginna. Woo qaleelah baguk lee darah oobe wayta saaki masuginna. Annah tanim kulli way taniimiiy qusbam hinna. Yi marah tu gactek, qusbaamay ceele waytahiyyat aseh yan. Ahayduma sinam abe wayteeh, aabbe wayteemit aseh yan. Toh macaay inteenik, Israayil mari edde asem, uma yabulih taniimi.

Yasaqya 47:5

YALLI Baabelon marak iyyemii: «Tibba inxicay dite le aracat ombooqora. Baabelon mari doolatwa abbobtih yanin 'yaanam ahaysa siinik m'iyyan.

Yasaqya 47:1

YALLI iyyemii: «Baabelon magaalay, elle tan dardaarinni-korsik oobay baaxol bullaaqê-bagul gac. Dumah yan saaku, qeebil num akak ayse weeh, gabah xage ween bikirit tan baxuwwah gidek sugte. Ahak wadir luk ten saytunan kee qax-maqaane gaba kok kalteh.

Yasaqya 23:12

Yalli iyyemii, «Saydah magaalay ku farcat gaba kaleh. Ku mari xukkot yan. Kobros fanah kudaanamah, wokkel kinni, amaan mayan.

Yasaqya 23:10

Ahaysa Suur maraw, booruy duyye siinih elle obta mantoonuk, Niil-weeqaytih garil yan marih innah, baaxo ubqura.

Yasaqya 1:8

Yarusalaam, gubbil xisen daboyta kee cabcab elle yooboke aracal xisen seenan-qari kee naqboytit maraasiye magaalah innah, dubuk tekke.