2 Malikwa 18:8 - NABUWWA KEE MALIKWA

⁸ Filistiin-marak yeyseeh; oson dabqih elle sugen aroocak qunxa magaalaay kaxxa magaalooliy gasot maroh tanihiyyak, Gaadâ-magaala kee teetik dariifal tan baaxoh amma 'yaanam tan baaxo inkih buube.

2 Malikwa 18:8 Referans Kwoze

Yasaqya 14:29

Isin *Filistiin maraw, ruffu maxcina. Sin aatakuk suge birti yiddigilleh immay, abeesak teena rabtaamah wohuk gacta abeesa ciggiilele. Abeesa xalte naalaytih addak haada baadeysi awqele.

2 Malikwa 17:9

YALLI, «Amah umahak, maabina» keenik akak iyye taama uqurat aben. Eelli haan magaaloolik qunxa magaala takku, kaxxa magaalay gasot maroh tani takku, duyye elle yaqbuden arooca xisen.

2 Aydaad 28:18

Filistiin mari kaadu Yuudâ rasuk gabbi-qaxat raaqa rakaakay kee ayrô-culmat raqta mango koomaami le baaxol tan magaalooli wararen. Ta mari, Beet-Semes kee Ayyalon kee Gadeerot deqsitta magaalooli qeebit xabbaay isinni gabat raaqissa heen. Tonnah kaadu, Sooko kee Timna kee Gimdo deqsitta magaalooli kee ken dariifal sugte gaandoodi edde yibbixen. Sarra, wokkel elle nooken.

Yasaqya 5:2

A caxa yaysubuke'gid, elle yaysubuke aracak, xeet kaleh meqe'nnal dageh. Tet akak dacrisa'gidih, amo xer qari akah xise. Yuysubukem meqe caxa. A caxa xalta qinabat yaaqite'gid boodo dage. Qinab teetik alayam fan, tet qambaalak teetih suge. A qinab alaye saaku, qeero baaheh; mulcu luk yen.

2 Aydaad 26:10

Tonnah kaadu, sinam isinni aroocal allak tamaatem akak yablen fayya le qarwak mangom xise. Ayrô-culmat raqta mango koomaami le baaxo kee booxaaxah tan baaxol mango laa luk yeneeh; leê-raaqisso mangom dage. Buqre kaxxam kicinuk yeneeh; tonna-leemiik taamita marak, «Qaleelah tan baaxol qinab xala coox ubquraay; lee le baaxoy buqre elle bictal daro qida» iyye.

1 Aydaad 4:41

Ciskiyyaahu Yuudâ-malikih yen dabaanal, Simqaan-kedoh-abbobti too baaxo temeeteeh; Caamak rade maray isi siraaqat elle sugeenihiyyat qeebi aben. Maquunim deqsitak yen marat kaadu qeebi aben. A saaku fanah elle tablen innah, too mara inkih selli heen. Sarra too baaxo meqe qayso luk sugteemih sabbatah tokkel gacen.

Yoosuwa 15:47

Gaada kee Asdood deqsitta namma magaala kee tet dariifal tan magaalooli kee gaandoodiy Masri cuduudul yan daqar kee Maditraaniyah badak afah amma 'yaanam tanihiyya inkih kenim tekke.

1 Malikwa 5:4

Awayah tu gactek, YALLAY yi Dagelta kinni deraafil yan mara lih amaanah yoo xiinisa. Naqboytit mayyuuy, akak gadaamitam kaadu mayyu.