2 Malikwa 17:7 - NABUWWA KEE MALIKWA

⁷ Toh akah tekkem, Israayil-mari YALLAY ken dooreh Masri malikik ken cateeh Masril edde sugen caalatak ken yeyyeeqehiyyal dambi lem baaheenimih sabbata. YALLA cabba heenih xeet kee coox yuqbuden.

2 Malikwa 17:7 Referans Kwoze

Yoosuwa 23:16

Usuk xagura siinik iyye kay xinto xagure wayteeniih, tonnah kaadu, YALLAY sin Dagelta kinnihiyya maaqilla hayteenih, deedaltamay yalla axcuk yaqbudeenihiyya tuqbudeenik, wohih taamat gacteenik, YALLI isi bagcarrat sin digaaleleeh; away siinih yecee niqmatah tan baaxol num siinik maraaqa» keenik iyye.

Ermiyaas 10:5

Too cooxuy yalla akak iyyaanahiyya cabcab elle yooboke aracal, woo cabcab kimbir yakmeemik kimbir akak meysita'gidih, sartan edde hayya heenih sahdayti gurral soolisen caxxih bis le. Afak mayaaba; mayangayyaay magexa. Aracak arac ken beyaanam faxan waqdi, sunkul hayya ken heenih quukah beyan. Hay, siinil baaham maliiy siinih xiqam malik, akak mameysitina» siinik iyyah yan.

Nacmiya 9:26

«Tohuh, ku mari ku yab cineeh, koo cineh. Atu aba keenik inteemit darre caben. ‹Aham maabina, meqem hinnak› keenik inte nabuwwa qideenih. Too nabuwwa toh keenik akah intem, oson kol yaduureeni'gidi. Koo ceele sinni migaq koh aben.

2 Aydaad 36:5

Yahoyaakim, Yuudâ-malik yekke saaku qumrik labaatanna kee koona karmat yen. Sarrak Yarusalaam magaalal taban kee inki sanat malikih suge. YALLAY kay Dagelta kinnihiyyal dambi lem baahak suge.

2 Malikwa 17:35

YALLI duma Israayil mara lih bica heeh yeneeh, amri kaadu keenil oobiseh suge. «Yok sa gersiimil maamanina. Yok sa gommoh qibaadah numuh maradina. Sadgat yi migaaqak kalihimil maabina. Yok kalihimih qibaada maabina.

2 Malikwa 16:2

Acad malik yekke saaku qumrik labaatanni karmat yen. Yarusalaam magaalah addal taban kee lica sanat malikih suge. Takkay immay isi kaxxa abba Malik Dawud raatat gexak masuginnay, YALLAY kay Dagelta kinnihiyya niqba taamat asak suge.

1 Malikwa 15:3

Usuk isi-abba-edde-asak-suge-dambit kaak kaxxih aseh sugeeh, YALLAY kay Dagelta kinnihiyyah garil yeemene numuk mananna. Akak rade Dawud bis le numuk mananna.

1 Malikwa 11:4

Suleeman idoolite saaku, kay agbi YALLAY kay Dagelta kinnihiyyak kalah kaadu akiimiy Yallih innah yaqbudeeni ken lih yaqbudem kaal esseren. Tokkel usuk YALLAL luk suge imaanat sakki kaak cule. Kay abba Dawud elle suge gitak hoxxiimeh.

Makaabon 6:10

‹Sin Dagelta yoo YALLAAY; ama away isin baaxol akak tanin Amoorâ-mari yalla 'yeenih yaqbudeenim maqbudina› 'yaanam siinik exceh suge. Isiniiy woo yaabat maqal yok mahanniton 'yaanam iyye» keenik iyye.

1 Aydaad 5:25

Takkay immay Yallay ken kaxxa abbobti aqbuduk tenehiyyal dambi lem baaheeniih; kaa cabba heenih; oson yamaateenik naharal, woo baaxol suge maray Yalli baysehiyya aqbuduk suge duyyeeya yuqbuden.

Yacedkel 39:24

Darre keenit cabeeh, oson aben umaane kee dambik gexxaamah ken celta digaala keenit abe» iyye.

Hosiqa 12:14

Israayil mari YALLAT kaxxa naqabu culseeh; tohih sabbatah kaxxa digaalah ken digaalele. YALLI, isit aben burah, ken digaalele.

Yasaqya 57:5

Kaxxa cooxih gubay yalla akak intan duyye elle taqbudeenihiyyal, mango dalwa abtaanaah; xixxaqak tan gablooli kee goloolah addal, isinni xaylo sadgatah qiddan.

Hosiqa 4:12

Caxxak-kuren-exxa, Yallak tu keenih bahtam yakkalen. Caxxi oson faxaanam keenih warselem yakkalen. Ken Dagelta cabba heenih, kacoobuh lon kacanu kee, xeet kee cooxuk bicsen duyyet aban qibaada, makot ken beyte.

Hosiqa 4:13

Qaleelah amol tan aroocal sadgat aban. Koomaamih amol silal meqeeh ayyuufa le caxah gubal qaydarus qeerisan. Too qaydarus woo cooxih gubal akah qeerisaanam, woo cooxih silal keenit yemqek sa. Tonna kinnuk siinik say-xaylo kacob tekke. Sin xayloh agbi dalwa aba.