2 Malikwa 16:9 - NABUWWA KEE MALIKWA

⁹ Malik Tiglat-Fileeser, Acad kaah ruube farmol, qaskar luk Damasko gaaduh yemeeteeh magaala qeebit raaqise. Sarrak woo magaalah mara Kiir baaxo fan seewah bee. Malik Raaxin qideh.

2 Malikwa 16:9 Referans Kwoze

Qaamus 9:7

YALLI iyyemii, «Israayil ummatey, isin Kuus marih bis yol maay aalle waytan? Sin Masri baaxok akah eyyeeqe innah, Filistiin mara Kireet rasuk eyyeeqeeh, Suuriyah mara kaadu Kiir rasuk eyyeeqe.

Yasaqya 22:6

Qeelam-rasih-qaskar, faras amol anuk, gayse kee gaysê-baxa luk tamaateeh, faaris-gaariira luk tamaate. Kiir qaskar gooba luk tamaate.

Yasaqya 9:11

YALLI, Malik-Raaxin le naqboytit qeebi keenit abta'gidih bicat heeh; ken naqboytit keenit uguuguse.

Yasaqya 7:16

Woo ayro tamaateemik naharat, woo uma'nnah sin meysiisa namma malikih baaxo sinaamak foyyah raaqele.

2 Aydaad 28:21

Acad, tuxxiq le duyyek malik elle gaca dabqal sugtem kee, kay gubal taamita mari luk sugem kee, tonnah kaadu, YALLIH Qibaadah Qaril sugtem beyya heeh Assuuriyah malikih yecee. Takkay immay tohut catoh tu magenna.

2 Aydaad 28:5

Usuk abah yan dambih, YALLAY kay Dagelta kinnihiyya Suuriyah malik kaat ugse. Too malik qeebil kaak yeyseeh, sarrak too malik Yuudâ-marak mangom seewah Damasko fan gabat bee. Tonnah kaadu, Israayil malikiy Ramalyaahû-Fekac deqsitahiyya kaat ruubeeh; too malik Yuudâ-qaskaray kaxxa agiirah tenehiyyak bool kee labaatanni alfih num inki ayroh addat qide. YALLI tah keenil akah baahem, kaay oson akak raden ken kaxxa abbobti doorehiyya cabba heenih dambi le taamat asak sugeenimih sabbata.

Yasaqya 10:9

Kalnu kee Karkamis magaalah marak carbil eyseh. Tonnah kaadu Camat kee Arfad magaalah marak carbil eyseh. Samaariya kee Damaskoh magaalah marak kaadu eyseh.

Yasaqya 17:1

Damaskoh giddinaamak ruuben farmo ah teeti. YALLI iyyemii, «Damaskoh magaala ahak wadir magaala matakkay abur akkele.

Yasaqya 37:18

YALLAW, Assuuriyah-amoytitte nummah baadal tan doolatwa bayisseeh; ken baaxooxa abur abeenih caben.

2 Aydaad 16:4

Malik Banihadad too farmo kaak oggoleeh, sarrak Israayil magaalooli yabbixeeni'gidih, qaskar abbobti kee qaskar ruube. Too qaskar Qiyon kee Daan kee Aabil-Beet-Maqka deqsitta magaalooli kee, inkih tan Naftaalih kedoh magaalooliy leek maaqo akak inxicca 'yaanam daanah elle sugtehiyya yibbixen.