2 Malikwa 16:8 - NABUWWA KEE MALIKWA

⁸ Farmo elle ruube maral YALLIH Qibaadah-Qari kee malikwa dabqah elle gacta qarik duyye-elle-daanisan-aracak bee dahab kee lakqo mattacoh kaah ruube.

2 Malikwa 16:8 Referans Kwoze

Yasaqya 7:17

YALLI, koo kee ku ummatta kee ku buxah maral, Israayil Yuudak baxsinte saakuk wadir akke wee taqabi kee gibdaabina ruubele. Assuuriyah malik siinit ruubele.

2 Aydaad 16:2

Toh yuble waqdi, Aasa isi qarih adda kee YALLIH Qibaadah-Qarih addal daanat sugte lakqo kee dahooba wokkek yeyyeeqeeh, Damaskoh magaalal Suuriyah malikih yen Banihadad deqsita numuh ruube.

Yasaqya 2:6

Yallaw, Yaqkuubuk rade isi marak texxeereh. Oson ayrô-mawqa le kabul yan mara kee Filistiinih yooboke mari ken barse baab taamah haysiten. Isinni qaada cabba heenih marin qaadah tanim aben.

Miika 1:14

Tahaysa Moreset-Gat deqsita mandarak salaamata inxica. Israayil amoytitte Akdib deqsitta magaalak cato mageyan.

2 Malikwa 12:19

Wohuk kalah taniimiy Malik-Yooqas abba heehiyya inkih Yuudâ-Malikwah-Aydaada deqsita kitaabih addal tan.

2 Malikwa 15:19

Migaaqah Tiglat-Fileeser deqsita numuy Assuuriyak malikih yenehiyya Israayil rasu warare. Manacem soddom kee affara alfih kiilo lakqok kaah yecee. Too lakqo kaah akah yeceem, woo malik cato kaah yakke'gidiiy, tonnah kaadu, kay abbootan diggoowaah, nagay cayla baaha'gidik ten.

2 Malikwa 17:3

Assuuriyah-malikiy migaaqah Salmaneser deqsitahiyya Israayil-rasut qeebi abe. Sarrak Hosiqa kay gubal gace. Tohuk lakal kulli sanatal qusuur kaah acayuk yen.