2 Malikwa 16:7 - NABUWWA KEE MALIKWA

⁷ Acad sarrak Assuuriyah malikih yen Tiglat-Fileeser fan farmo ruube. Iyyeemih, «Anu atu aba axcinnaanim abaah, ku amrih yan num kinniyo. Tonna'mmay ta saaku yoh amay, Suuriya kee Israayil qaskaray yoh gaaddahiyyak yoo cat» 'yaanam farmoh ruube.

2 Malikwa 16:7 Referans Kwoze

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

Hosiqa 14:3

Assuuriya nee macatta. Carbi faaris catoh tu neh maxiqa. Ahaysa gabak bicsen duyyek, ‹Ni Dagelta› m'inna. YALLAW, qayxiixah racmata Dagelti dibuk koo› inxica» keenik iyye.

Ermiyaas 17:5

YALLI kaadu iyyeemih, «Yoo cinna heeh, sahdaytul yaamine numul yi abaaro oobele. Numtin qandel kibaal haa numul yi abaaro oobele.

2 Aydaad 28:20

Tiglat-Fileeser deqsita Assuuriyah malikiy usuk farmo akah ruubehiyya yemeeteh immay, usuk kaak faxe cato hinnay, gibdaabina kaal baahe.

2 Aydaad 28:16

Edom mari qagteh yemeeteeh, Yuudâ-marat qeebi aben. Sinam seewah been. Too saaku Malik Acad Assuuriyah malikik, «Yoo cata» 'yaanamih farmo ruube.

1 Aydaad 5:26

Tonna leemiik Israayil doore Dagelti, Assuuriya deqsitta baaxoh malikiy Ful deqsitahiyyat ken baysaamih fayxi hee. Woo malik kaadu Tiglat-Fileeser deqsita migaaqal amixxiguk yen. Too waqdi Ruuben-kedo kee Gaad kedoh yooboke mara kee Manassê-kedoh yooboke marak garab seewah beenih, Calac kee Cabor kee Haara kee Goodan deqsita weeqayti garil tan baaxol ken gacsen. A saaku fanah tokkel yanin.

1 Malikwa 20:4

Malik Acab tohul kaal gacsemii, «Yi-amoyta-Malik-Banihadadak, ‹Atu intam meqeeh; eelli haam inkih kuumuuy; koh aceeyyo› kaak inxica» 'yaanam kaah ruube.

2 Malikwa 18:7

YALLI kaa'lih yeneeh; usuk abba hannaanim inkih gabal kaak bicak ten. Usuk Assuuriyah-malikih yab oggolaanam kee kay xintoh gubat gacaanam raabite cineh.

Yasaqya 2:6

Yallaw, Yaqkuubuk rade isi marak texxeereh. Oson ayrô-mawqa le kabul yan mara kee Filistiinih yooboke mari ken barse baab taamah haysiten. Isinni qaada cabba heenih marin qaadah tanim aben.

Yacedkel 16:28

Assuuriyah mara lih kaadu dalwa abte. Ken mareytá tekke'mmay, koo cayisoonu yeffereenih.

Yacedkel 23:5

Ohola yi nikaacat anih, dalwa abak sugteeh; Assuuriyah marih kacani kaxxam tet yibbixe. Too maray is kacanuh akah rabak tenehiyya, sartanah qaskar saray qasdiiminit yeneeniih, baaxoh abbobti kee qaskar abbootan luk yenen. Too mari furrayniino kee qax-maqaane luk yeneeniih, faaris amok qeebi abta labhak yenen.

Yacedkel 23:12

Is kaadu, Assuuriyah maray baaxoh abbobti kee qaskarat yeneeh kaxxam ifu le qaskar sarat yenehiyyah kacani tet yibbixe. Too qaskar kaadu qax-maqaane luk teneeh; qeebi faras amok abta labhak yenen.

Ermiyaas 13:21

Kataysis takkalen maray qalla lih litoonuhiyya siinik iysiissa heeh, amol siinik heek, maca abetton? Biyaakah lacawat tan barrah innah gacettoonum taaxigeenimi.

Hosiqa 7:11

Israayil mari hawri cabeeh, kimbir innah meekita. Way catoh Masri mara fan yardeeniih, way kaadu Assuuriyah mara fan yarden.