2 Malikwa 13:4 - NABUWWA KEE MALIKWA

⁴ Yowaahad YALLA kallaceeh; YALLI, Suuriyah-malik Israayil-ummattat uma'nna xukkutak sugem yuble waqdi, ken cateh.

2 Malikwa 13:4 Referans Kwoze

2 Malikwa 14:26

YALLI Israayil-marat yakkeenimik yakkeh yan biyak yubleeh, Yallak sah ken cattam mananna.

Ermiyaas 33:3

Yoh sec. Yoh secta way, seeco kok aabbeyyo. Kaxxa assakat leemiy aaxige waytay qagabah tanihiyya koo aybulleeyyo.

Yasaqya 63:9

Ken taqabi kaa taqbiseeh, tonna leemiik luk suggu 'yen gadaamak ken yeyyeeqe. Ken waddem, malayka hinna YALLA ikkala. Keenih le kacanu kee isih le xuwaawak gexxaamah, ken cate. Dumî dabaanal kulli way amo keenik wagitak suge.

Ermiyaas 2:27

Yoo fan tafkuneenimik, darre yot cabteeniih, caxak, ‹Ni-ina› intaanaah, xaak, ‹Ni-abba› intan. Takkay immay gibdaabini siinit yakke waqdi, ‹Yallaw, nel uduuray nee wad›, yok intan.

2 Aydaad 33:19

Malik Manasse abe dooqa kee Yalli woo dooqa kaak elle oggole'nnaay; toobitaamak duma dambi kee umaanek abeh gide inkih Nabuwwah-Aydaada deqsita kitaabal yan. Usuk toobitaamak duma, bicsiiseh suge diini maleela qibaada elle abta aroocay fayyat raqtahiyyaay, Aseera deqsittaamay yaqbudeenihiyyah astah heenih sugen gurumuuda elle soolise arooca kee, gabak bicsen duyyeeyay yaqbudeenihiyya elle hee arooca inkih, kaadu woo kitaabal yan.

2 Malikwa 13:22

Suuriyah malikih yen Cadayel, Yowaahad malikih suggu 'yem fan Israayil marat xukkutak suge.

Makaabon 10:10

Too waqdi Israayil mari, YALLAL weeqeeh iyyeemihii, «YALLAW, kooy ni Dagelta kinnihiyya cabneh; Baqal akak iyyeenim nuqbudeeh dambi lem kol bahneh nan» iyyen.

Yasaqya 26:16

«Ku mari gadaamite saaku, ken digaalteeh adbisse saaku, catoh koo fan yemeeten, YALLAW, isinni bagut dooqa abiten.

2 Malikwa 13:23

Takkay immay YALLI kaxxam keenih racmatak sugeemih sabbatah, bayi ken mahanna. Abraahim kee Iscaak kee Yaqkuubuh cule xaganih sabbatah ken catak suge. YALLI, a saaku fanah, isi marat darre macabinna.

Qedra 8:23

Tonna leemiik soomneeh, abna safaral Yalla kinni ni Dagelti nee dacrisa'gidih, dooqa abne. Yalli kaadu too dooqa nek raabiteh.