2 Malikwa 11:4 - NABUWWA KEE MALIKWA

⁴ Malcinhaytô sanat sek-Yoyadaq malik-buxah marat dacayrih tan qaskar kee, malik buxa dacrissa qaskarak bool-abbah ten qaskarah, «YALLIH Qibaadah-Qari fan ama» 'yaanamih farmo ruube. Oson yemeeten waqdi, usuk niyat lem kaa'lih abe loonumuh titta ken geysiiseeh, YALLIH migaaqal ken xibsiiseh. Too waqdi Malik-Acadyâ-baxa-Yooqas ken yuybulleeh.

2 Malikwa 11:4 Referans Kwoze

2 Malikwa 11:19

Sarrak is kee qaskar-abbobtiiy malik buxah marat dacayrih tan qaskar kee, malik-buxa dacrissa qaskar, malik maraasiyya heenih, YALLIH Qibaadah-Qariik malik buxa fan kaa been. Raqqa 'te ummatta inkih lakak ken katayak malik qari fan ken lih gexxe. Wokke gufe waqdi Malik-Yooqas malik-qari qaskar akak culta afak culeeh, dardaarinni-korsil daffee.

2 Malikwa 11:9

Qaskar abbobti, Yoyadaq keenik aba iyyem oggoleeniih; qaskarak sabti ayro taamah gexa mara kee gexe waa mara inkih, kaal baahen.

2 Aydaad 15:12

Tokkelii, «Tahaysah, YALLAY nanu akak radne ni kaxxa abbobti doorehiyya baguuk aqbudenno» 'yaanam iyyeeniih, too tiyal sittin-gey haysiten.

2 Malikwa 11:17

Sek-Yoyadaq, Malik-Yooqas kee ummatta, YALLIH mara yakkeeni'gidih, YALLA kee ken fanal bica abe. Tonnah kaadu, malik kee ummatta fanal tu'bica abe.

Nacmiya 10:29

nek saqoltih yan mara lih gacca inneh, ‹Yallih xintoy isi naqasuh yan Muusal ruubehiyya intam cinna haynek, digaalah abaaro nee tabbaxay› 'yaanamal xiibinnah nan. YALLAY ni Dageltah yanihiyya nee akah amrisem oggolenno. Kay amri kee usuk nek aba iyyem abenno 'yaanamal titta geynah nan.

Nacmiya 9:38

Tohuk lakal «Net tikka 'teemik gexxaamah, Israayil ummattak nanuu, titta elle geyne tittin-gey kutbeh haysinnah nan. Too kutbel nek saqoltiiy, Leewih yooboke mara kee seeka firma heelon» iyyen.

Nacmiya 5:12

Too waqdi saqolti kee abbobtih keenik yen mari, «Meqeh; atu aba axcinnaanim abenno. Damaanatah keenik beyne duyye keenih gacsennooh, magoh beenim ken messerra» iyyen. Too waqdi seekah seeceeh, wohul yoo yangaddeenimik, seeka foocal ken xibsiise.

2 Aydaad 29:10

«Anu taway YALLAY Israayil doore Dagelta kinnihiyya net bagcarrite waa'gidih, bica kaa'lih abam faxa.

1 Aydaad 9:13

Seekah yooboke maray gulubwah saqoltih yene sittat alfi kee malcina bool kee lactam akkuk yenen. Oson inkih dudda le maraay; Yallih Qibaadah-Qarih addal aban taama ken gabat ten.

2 Malikwa 23:3

Sarrak malik elle soola qamiddih garil solla 'yeh, «YALLIH amri oggoluh, Yalla kee xagana culah an. Too kitaabal elle enna 'ta innal, YALLIH xinto kee amri inni afqado kee dudda haamal abeyyo» 'yaanam axcuk qahdi cule. Inkih tan ummatta kay lakal xagana culte.

1 Malikwa 18:10

«YALLAY waaraah ku Dageltah yanihiyyah migaaqal koo xiibitah; malik ku goranah baadal cabba hee ikke mali. ‹Yi baaxol mayana› axcinnaan abba xibsiisak suge.

1 Samuwel 23:18

Ken nammay too waqdi YALLIH migaaqal kataysis akkeloonumuh xagana tittah culen. Sarrak Yonaatan isi buxah yuduureeh, Dawud Cores rasul elle raaqe.

1 Samuwel 18:3

Yonaatan Dawudut abeh yan assakootiyyak gexxaamah, aggiriqe sinni fantaaxaw itta luk haysiten.

Yoosuwa 24:25

Yoosuwa too saaku YALLIH aftok ummatta lih bica abeeh; tokkel Seekem deqsita aracal kataatoonu waan xinto kee amri keenih warse.

2 Samuwel 20:23

Yowab, Israayil qaskarah abbah yen. Yoyadáq-Banaaya kaadu Dawudut dacayrih tan qaskarak abbah yen. Woo qaskar marin marak ten.

2 Malikwa 11:3

Lica sanatah Yahoosebqa awki-amo dacrisak, qibaadah qarih addat uqrat kaa sugusse. Qatalya too laca sanat malikáh sugte.

2 Samuwel 8:18

Yoyadáq-Banaaya Dawudut dacayrih tan qaskarih abbah yen. Dawud xaylo seekâ-taama luk sugen.

1 Malikwa 14:27

Malik Racabqam woo goobwah aftok nacaasak bicsen goobwa bicissa heeh; sarrak malik qarih afal dacayrih yan maral amaanatah yecee.

2 Malikwa 12:7

Tonna-leemiik Malik-Yooqas, sek-Yoyadaq kee gersi seekah secca 'yeh, «Isin a Qibaadah-Qari akah bicse waytaanam macaay?» keenik iyye. Sarrak kaadu keenik iyyemii, «Tahak wadir Qibaadâ-Qari xayuk akah bica innah, siinil yeceen lakqo isin daanah gabat mahana» keenik iyye.