2 Malikwa 11:2 - NABUWWA KEE MALIKWA

² Acadyâ-baxi-Yooqas dibuk raaqe. Aki mara lih kaa qide raareeni'mmay, kay annay Yahoosebqa deqsitta kaa raaqisseh rooci kaak waddeh. Is Acadyak abbâ-baxák teneeh Malik-Yacooram-baxák ten. Is Yooqas kee, inah innal kaa dacrisak sugte barra beyya hayteh, Yallih Qibaadah Qarih addat xinti-aracat ken tooqore. Toh akah abtem, kaa qide waana'gidik ten.

2 Malikwa 11:2 Referans Kwoze

Yacedkel 40:45

Too num yok iyyeemih, «Ama gabbi-qaxa fan yafkune goli, a Qibaadah-Qarih addal Yallih taamat tan seeka elle taamitta goli» yok iyye.

Ermiyaas 35:2

«Rekab deqsita gulubuh gacsa mara fan gexaay, YALLIH Qibaadah-Qari fan ken bah. Tokkel Qibaadâ-Qarih golittek golik teena ken culussa haay, qinabak bicsen kamri ken efeq» kaak iyye.

Ermiyaas 33:26

Hununuh toh elle abba hee innal, Yaqkuubuk rade mara kee, inni naqasu Dawud lih hee qahdi, way bayi mahaa. Dawuduk rade marak num dooreyyooh; too num, Abraahim kee Iscaak kee Yaqkuubuk rade marih amol dardaariseyyo. Inni marah uxih racmateyyooh, ahak sarra gaddaleela ken abeyyo› 'yaanam iyye.

Ermiyaas 33:21

Too bis le qahdi Dawuduy yi naqasuh yanihiyya kee Leewih tooboke seeka lih heeh en. Toh kaadu macâ-qahdiiy inteenik, Dawuduk rade marak numuk teena malik abeyyo 'yaanamah qahdi culeeh, Leewih yooboke marak numuk teena sek abeyyo 'yaanamal qahdi culeh en. Ta qahdi baya qahdi hinna.

Ermiyaas 33:17

Macaay inteenik, kulli way Dawuduk rade marak numuk teena Israayil marih malik abeyyoomuh xagana siinih cula. Tahat yabtam yoo YALLA.

Yasaqya 37:35

A magaala, anu inni nabnah sabbatah, umaanek raaqiseyyo. Toh akah abu waam, inni naqasu Dawuduh cule qahdih sabbata› 'yaanam iyyah yan» kaak iyye.

2 Aydaad 22:11

Takkay immay Acadya lih abba le barray migaaqah Yahoosebqa deqsittahiyya ten. Too barra abbaxuk tenem, Yoyadaq deqsita seekik ten. Too barra, Acadyâ-xaylok numuk teenay migaaqah Yooqas deqsitaah qide raareenihiyya kee, inah innal kaa dacrisak sugte barra beyya hayteh, Yallih Qibaadah-Qarih addat xinti-aracal ken hayte. Tokkel kaa tooqoreeh, Qatalyâ-gabat rabaamak kaa waddeh.

2 Malikwa 11:21

Yooqas malik yekkem qumrik malciinit yan saakuk ten.

2 Malikwa 8:19

Tohuh, YALLI Yuuda bayisam mafaxinna. Toh akah tekkemii, YALLI kay naqasuh yen Dawuduk, «Ku reeda baxak-baxal raaqele ikkal, bayya m'inta» 'yaanam axcuk, tohul xagna kaah culeh yen.

2 Malikwa 8:16

Acab-baxi-Yooram Israayil-malik yekkeemih konoyhaytô-sanat yekke saaku, Yacoosafat-baxi-Yacooram Yuudâ-malik yekke.

1 Malikwa 6:10

Taaxige sidiica qarway tittak amol tanihiyyak kulli qari fayyah koona cusul akkuk yeneeh; Qibaadâ-Qarik iro le kabuk xakbisaana'gidih, sariidâ coox amô-tabsuh heen.

1 Malikwa 6:8

Qibaadâ-Qarik gabbi le kabuk xakabuh tan qarwa culaana'gidih, afa ten. Too afak fanti-qarwa kee inkih daga raqta qarwa akak yewqen mawqeena ten.

Makaabon 9:5

Tokkek Qofra akak iyyan magaalal tan abbah-xaylo fan gexeeh, too magaalal yen xaahih amol malcina-taban tooboko inkih yusguude. Takkay immay barah inkih keenik qunxuk yen toobokoytay migaaqah Yootam deqsitahiyya yombooqoreh raaqe.

2 Malikwa 11:3

Lica sanatah Yahoosebqa awki-amo dacrisak, qibaadah qarih addat uqrat kaa sugusse. Qatalya too laca sanat malikáh sugte.

2 Malikwa 12:1

Israayil malikih yen Malik-Yaahu edde dardaareemih malcinhaytô-sanatat, Yooqas Yuudâ-malik yekkeeh; Yarusalaam magaalal morootom karma malikih suge. Kay ina migaaqah Xibya deqsitak teneeh; elle toobokem Bersabaq-magaalak ten.

1 Malikwa 11:17

Takkay immay Hadad kee kay abbah gubal taamitta abbobtiy saaboh raqtehiyyak tu takkem Masri fan kudde. Too saaku Hadad qunxa awkah yeneeh ken lih gexe.

1 Aydaad 3:11

Yahoosafat Yahooram xaleeh, Yahooram Acadya xaleeh, Acadya Yooqas xaleeh,

Ermiyaas 36:26

Sarrak malik isi baxay Yeracmaqil deqsital amri yeceeh, kaak iyyeemih, «Qadriyél-Seraaya kee Qabdíl-Selemya is lih hayya haay, gexay Ermiyaas kee Baaruk baahay uxuya» kaak iyye. Takkay immay YALLI, Ermiyaas kee Baaruk keenik qelliseh.