2 Malikwa 11:18 - NABUWWA KEE MALIKWA

¹⁸ Tohuk wadir tokkel suggu 'ye mari inkih, Baqal elle yaqbuden qari gexeeniih bututtukka heen. Tokkel sugte sadgat elle abak sugen arooca kee, xeet kee cooxuk bicsen duyyey Yallih aftok yaqbudeenihiyya yiggiggileenih. Mattan deqsita numuy Baqal-yaqbude-mari seekih sugehiyya sadgat elle abak sugen aroocak foocal qiden. Sek Yoyadaq YALLIH Qibaadah-Qarit dacrissa qaskar heeh.

2 Malikwa 11:18 Referans Kwoze

2 Malikwa 18:4

Qibaada elle abak sugen aroocay fayyat raqtahiyya bayseeh; taahirik tan qamidwa akak iyyan qamidway xeetik bicseenihiyya bututtukka heen. Aseera deqsittaamay yaqbudeenihiyyah astah heenih sugen gurumuuda yiggiggileh. Muusa nacaasak bicseh cabe abeesah-ceeloy migaaqah Nacustan akak iyyeenihiyya kaadu bututtukka hee. Too abeesah ceelo yaggileenimik duma, Israayil mari woo abeesah ceeloh assakaxxiyyah qerto akah ruubak sugen.

2 Malikwa 10:26

Woo saytun-qamiddu akak axcuk sugen qamidduy wokkel sugehiyya afah yeyyeeqeenih cararisen.

1 Malikwa 18:40

Eliyyas too waqdi, «Baqal-nabuwwa ibbixaay baaha. Num keenik gexe kalay ken baaha» iyye. Ummatta woo nabuwwa inkih tibbixeeh; too waqdi Eliyyas, Kisyon-weeqaytu fan beyya ken heeh, weeqayti-garil ken qidsiise.

2 Aydaad 34:7

Inkih tan kilbat le kabut raqta Israayil baaxol sugga 'te duyyeeyah heen sadgatih-aroocak kee, Aseera deqsittaamay yaqbudeenihiyyah astah heenih sugen gurumuuda kee, gabak bicsen duyyey yaqbudeenihiyya bututtukkaay riira abba hee. Too duyyeh qibaadah qaydarus elle qeerisak sugen arooca kaadu riira abe. Tohuk gaba kale waqdi, Yarusalaam magaala fanah yuduure.

2 Aydaad 34:4

Baqal akak iyyaanamay yaqbudeenihiyyah heenih sugen sadgatih arooca kee too aroocak garil sugte qaydarus elle qeerisan mansafwa, kay foocal, bayissaay bututtukka heen. Aseera deqsittaamay yaqbudeenihiyyah astah heenih sugen gurumuuda kee, wohuk kalah tan duyyeeyay xeet kee cooxuk bicseenihiyyay Yallih aftok aqbuduk sugeenihiyya bututtukkay riira abba heenik wadiril, woo duyyeh qibaadah sadgat abak suge marih kabril caxen.

2 Aydaad 21:17

Too mari Yuudâ-baaxo warareeh malik qari buuben. Malik gennaaqoh agabu kee lab-xaylo seewah kaak orbisen. Raqtem dibuk kay xaylok barah inkih qunxuk yen awkay migaaqah Acadya deqsitahiyya.

2 Malikwa 23:14

Yoosiyaahu taahirik tan qamidwa akak iyyan qamidway xeetik bicseenihiyya yiggiggileh. Aseera deqsittaamay yaqbudeenihiyyah astah heenih sugen gurumuuda yiggileh. Too duyyeeya elle sugte arac sahdayti lafoofit buule.

2 Malikwa 23:10

Hinnom deqsitta goloh addal, yalla axcuk yaqbuden duyyeh qibaadah heen aracay Toofet deqsita foyya keenik abe. Toh keenik akah abem, too aracal duma Molok deqsitaamih sadgatah isinni xaylo girat qidak sugen. Toh elle abe waana'gidih, too arac foyya keenik abe.

2 Malikwa 10:21

Sarrak Yaahu Israayil-baaxol yan marah inkih farmo ruube. Too farmol Baqal yaqbude marak num raaqe'kal inkih yemeeten. Yemeete mari inkih Baqal elle yaqbuden qari culen. Too qari a exxaay woo exxa kibba heen.

2 Malikwa 10:27

Baqal-elle-yaqbuduh-bicseh-suge-qamiddu bayissaay bututtukka heeniih, Baqal addal akak aqbuduk sugen qari carariseenih. Sarrak woo qari daacoh arac aben. Woo arac uxih a saaku fan daacoh aracah yan.

2 Malikwa 23:20

Woo aroocal sugte mansafittel, seekâ-gurrah sadgatah baahan duyye gabal akak acayuk sugen mara inkih yusguudeeh, woo mansafittel sahda lafa cararise. Tohuk gaba kale waqdi, Yarusalaam fanah yuduure.

2 Malikwa 10:25

Yaahu cado akak carrisan sadgat woo aracal akah xayyoose'nnak, woo qaskar kee qaskar abbobtik iyyemii, «Addah culay, yakkeenimiik inkih ken qida. Num keenik asillime kala» iyye. Too waqdi too qaskar kee qaskar abbobti siiben seefwa lih adda culeeniih, suggu 'ye mara inkih qideeniih raysa keenik giitak afah yeyyeeqen. Sarrak qarik saytun-arac deqsita aracak-iqiya fan gexen.