2 Malikwa 10:21 - NABUWWA KEE MALIKWA

²¹ Sarrak Yaahu Israayil-baaxol yan marah inkih farmo ruube. Too farmol Baqal yaqbude marak num raaqe'kal inkih yemeeten. Yemeete mari inkih Baqal elle yaqbuden qari culen. Too qari a exxaay woo exxa kibba heen.

2 Malikwa 10:21 Referans Kwoze

1 Malikwa 16:32

Too Baqal akak iyyaanamay Yallih innah yaqbudeenihiyyah qibaada bicse qaril sadgat-arac bicse. Tohum elle abem, Samaariyah magaalak ten.

Ayyuqel 3:2

Too waqdi, baadal tan ummat inkih gaabossa heeh, YALLIH Cokmih-Daqar baaheyyo. Tokkel Israayiliy yi mara kinnihiyyal bahha heenimih keenik malkiteyyo. Israayil mara marin baaxo fixixisen. Israayil rasuy yim kinnihiyya kurraasiteenih.

2 Malikwa 11:18

Tohuk wadir tokkel suggu 'ye mari inkih, Baqal elle yaqbuden qari gexeeniih bututtukka heen. Tokkel sugte sadgat elle abak sugen arooca kee, xeet kee cooxuk bicsen duyyey Yallih aftok yaqbudeenihiyya yiggiggileenih. Mattan deqsita numuy Baqal-yaqbude-mari seekih sugehiyya sadgat elle abak sugen aroocak foocal qiden. Sek Yoyadaq YALLIH Qibaadah-Qarit dacrissa qaskar heeh.

Makaabon 16:27

Woo qarih addal agabu kee labhak mangom gaabowteh ten. Filistiin koona malik kaadu wokkel ten. Woo qarik amol kaadu sidiica alfih num yen. Too mari Samsoon ken elle yaysussuule inna wagtaana'gidih yemeeteenih yenen.

2 Malikwa 10:22

Sarrakaay Yaahu, seeka-hayta-sartanak amo wagitak yen numuk iyyemii, «Baqal qibaadah culsah xagarat haan xer-kameswa baahay, Baqal yaqbude marah keef» iyye.