2 Malikwa 10:10 - NABUWWA KEE MALIKWA

¹⁰ Aham nee taybulleem, YALLI Acabak rade marih giddinaamak edde yabba 'yem nummak maacissem nee taybulle. YALLI Eliyyasah warseh, ‹Abeyyo› iyyem, nummak maacisse» keenik iyye.

2 Malikwa 10:10 Referans Kwoze

1 Malikwa 21:29

«Acab yoh elle rammita inna tubleh innaa? Yoh rammiteemih sabbatah, addunya bagul yanim fanah bala kaal moobisa. Takkay immay kay baxih waktil bala kay buxah maral oobiseyyo» iyye.

1 Malikwa 21:19

Too waqdi yooy YALLAH yani annah kaak axcem kaah waris. ‹Atu num qiddeh, kay midir isih haysitteh. Hununuh kuuta Nabot qabala elle muxuuqak sugte aracal, ku qabala kaadu muxuuqele› kaak inxic» iyye.

Zakariyya 1:6

Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.

2 Malikwa 9:36

Gexeenih Yaahuh toh warsen. Yaahu too waqdi iyyemii, «Tah YALLI akkele iyyem kinniih; Eliyyas Yallih afak aham akkeleemit yaabeh yeneeh; iyyemii, ‹Yidraqel rasih addal Idebal ginaada kuuta akmele.

1 Samuwel 15:29

Waara YALLAY Israayil doorehiyya diraabat mayaabaay iyyeemit mayaduura. YALLI, sahdayti innah, waqdiiy tu m'iyya» kaak iyye.

1 Samuwel 3:19

Samuwel ambuk elle yambeemil YALLI kaa'lih yeneeh, Samuwel, ‹Akkele› akak iyyem inkih akkuk maacisse.

2 Malikwa 10:17

Wokke gufen waqdi, Yaahu Acabah-ramad-le-marak num cabe'kal inkih qide. Taham, duma Eliyyas YALLIH kabuk warseh sugem elle tekke innak ten.

2 Malikwa 15:12

YALLI duma yan saaku Malik-Yaahuh xagana culeeh iyyeemih, «Ramad kok fereyhaytoh adoh amma 'yam fan Israayil baaxol malikwa akkelon» 'yaanam iyyeh yen. Toh elle iyye innal duudussu hee.

Aster 6:10

Too waqdi malik kaak iyyeemih, «Hay, tonnal isissikay gexay, woo warissa sartan kee faras bahha haay, tama massakaxxa Yahuuduh yooboke Mordakayah ab. Taway axcuk sugga 'tem inkih, elle inxicca inte innah, atu kaah ab. Yi qarik afal daffeyak koh sugelek, xayuk gexay, kok akah inxicca exce'nnah, ab» kaak iyye.