2 Malikwa 1:8 - NABUWWA KEE MALIKWA

⁸ Osonuuy, «Saqi arabak bicsen saro xagaral luk yeneeh; arabak bicsen qarumut axawah yen» kaak iyyen. Malik too waqdi, «Wohuuy Tisbâ-rasih nabih yen Eliyyasak tanih tan» iyye.

2 Malikwa 1:8 Referans Kwoze

Zakariyya 13:4

Too ayro ‹Anu nabi kinniyooh, wacyi uble› axcuk kaxxiinita mara matablan. Nabî-ceelot gacaah, nabi edde gaca sartanay gibdi dagooruk bicseenit gacca 'yeenih sinam duquurusaanamak raaqelon.

Yasaqya 20:2

Sidiica sanatak naharat, YALLI, Amóx-Yasaqyak, «Ibat lito kabel kee ama xagaral lito *qabudda isik kal» 'yaanam kaak iyyeh suge. Too saaku usuk Yalli kaak iyyem oggoleeh, xagaral saro maleh ib-qassih gexak suge.

2 Malikwa 1:7

Malik too waqdi iyyemii, «Woo num maca ceelak yen?» iyye.

1 Malikwa 18:46

YALLIH qande Eliyyasal gacte. Too waqdi Eliyyas saro isik axcal kariqqa heeh, Acab-gaarik-foocat Yidraqel magaala fan yerde.