2 Aydaad 9:16 - NABUWWA KEE MALIKWA

¹⁶ Wohuk kalah kaadu, qunxa goobwak sidooca boolih gid takkem galbabbaqisen dahabak bicse. Too sidooca boolih goobwak kulli gob sidiica kiilo yakke dahabak bicse. Too goobwa inkih elle abbaxuk yenem, ‹Lubnaan Garboh Kaxxa Goli› deqsita aracih addak ten.

2 Aydaad 9:16 Referans Kwoze

1 Malikwa 7:2

A qariy xisehiyyak exxak teenah migaaqah ‹Lubnaan Garboh Kaxxa Goli› 'yaanam yeyyeeqe. Too goli xexxaarah bool cusul akkuk yen; baguh kontom cusul akkuk yen; fayyah soddom cusul akkuk yen. Addal sariidak bicsen qamidway affara rooruh yanihiyya heenih yenen. Too qamidwak amol, morootom kee koona cooxuy sariidak bicseeniy amô-tabsah haanahiyya yen. Kulli roorut taban kee koona caxa akak ten. Qarik kaadu amo akak bicseenim sariidak ten.

1 Malikwa 14:26

Too saaku YALLIH Qibaadah-Qarik duyye elle daanisan aracal sugga 'te duyye kee, malik qaril sugte duyyek Suleemanak-raqte-goobway dahabak bicseenihiyyah agantah inkih bee.

2 Aydaad 9:15

Suleeman kaxxam naba goobwak namma bool takkem galbabbaqisen dahabak bicseeh, kulli gob malcina kiilo yakke dahabak bicse.

2 Aydaad 9:17

Tohuk kalah malik kaxxam naba dardaarinni korsi luk yen. Woo korsi dakni-qaagak bicseenih, agle sinni dahabak exfen.

2 Aydaad 12:9

Sarrak Sisak Yarusalaam yibbixeeh, YALLIH Qibaadah-Qarih addal sugte duyye kee malik buxal sugte duyye buubeh bee. Malik Suleeman yen saaku bicseh cabeh suge goobway dahabak bicseenihiyyah agantah beeh.