2 Aydaad 9:1 - NABUWWA KEE MALIKWA

¹ Saba deqsitta baaxoh maliká, Malik Suleeman le migaq-gexxo toobbe waqdi, kinni num kaak tabaluuy gibdi esseroorak mangom kaa essertuh kaa fan gexxe. Mango mara wakalih is lih hayyaay, gaalal caxâ-sifaay bilqah haan xeetiy limo gibdihiyya kee kaxxam mango dahabak eerra hayteh gexxe. Kaa fan temeete waqdi, kaa essertam faxak sugte esseroy niyat luk sugtehiyya kaa esserteh.

2 Aydaad 9:1 Referans Kwoze

2 Aydaad 9:9

Is sarrak Malik Suleemanah gabat bahte mattaco kaah teceeh, affara alfih kiilo yakke dahabaay, mango caxâ-sifa kee bilqah haan xeetiy limo gibdihiyya kaah tecee. Too saaku is Suleemanah tecee caxâ-sifa bis le caxâ-sifa wohuk duma masuginna.

Yasaqya 60:6

Kulli kaalibik koo fan amaatelon. Miidiyan kee Qeefa rasuk mango soosá luk kol amaateloonuuh, kok deraafit raqta baaxol too soosák amaggeleeh; Sabâ-garik dahab kee qaydarus gaalal quukah le mari amaatele. Too mari, anu abe kaxxa taamat yaabak, yoo fayliselon.

2 Aydaad 1:12

Too atu faxxe kas kee ixxiga koh aceeyyooh; toh lih kaadu, faxe malik duma luk suge weeh, sarra geyak raaqe wayu waa mango gaddaliino kee kaxxa midir kee migaq-gexxo koh aceeyyo» kaak iyye.

2 Aydaad 1:1

YALLAY Dawud baxa Suleeman doorehiyya, Suleeman lih yeneeh, kaxxa num kaa abe. Tonna-leemiik usuk kaadu is le kabuk isi abbootan nagay maqar bahsiise.

1 Samuwel 1:15

Is too waqdi kaak inteemih, «Yi saqalow, sikrat mayyu. Maskirinniyo. Cisaabah bagi akak yankakamme barra kinniyooh, liyoh an ceya YALLAH warsitah kaa kallacak suge.

2 Aydaad 9:2

Too esseroy is kaa essertehiyya tiya-tiyah teetih gacse. Usuk gacsa akah waa esserok masuginna.