2 Aydaad 8:14 - NABUWWA KEE MALIKWA

¹⁴ Isi abbah raatat gexakaay usuk fiiriseh cabe gita kataatak, kulli saaku seekal tan taama kee, Leewih yooboke maray Yallih saare abta kee tonnah kaadu seeka elle catehiyyah, too taama elle kuran innal, keenih warse. Tonnah kaadu, duma kay abba Dawuduy Yallih numuh yenehiyya fiiriseh cabe gita kataatak, Yallih Qibaadah-Qarih afal dacayri abu waa mara heeh, too marah Yallih Qibaadah-Qarih afoofak kulli afal gacu waa maral, taamak tanim kee elle aboonu waan inna keenih yescesse.

2 Aydaad 8:14 Referans Kwoze

1 Aydaad 9:17

Yallih Qibaadah-Qarit dacayrih suge maray Yarusalaamal gacehiyyak migooqa ah teeti: Sallumuy keenik abbah yene kee Qakkub kee Talmon kee Aciman kee keenih ramad le mara.

Nacmiya 12:36

Zakariyya-lakat tenem, kaah ramad le maray Samaqya kee Qadarel kee Millay kee Gillay kee Maqay kee Netanel kee Yuuda kee Canaani deqsitahiyya. Ta mari inkih, Dawuduy Yallih numuh yenehiyya Yallah saare edde abak yen duyye gabat luk yenen. Ta maray rooruh gexehiyyak foocat tenem, Qedra deqsita numuy Yallih xinto intam nagay aaxaguk yenehiyyak ten.

Nacmiya 12:24

Casaabiya kee Sereebiya kee Yaasuwa kee Binnuy kee Kadmiyal deqsita num Leewih yooboke marak foocat anuk, ken missoyseeniih butta-buttal ken heen. Ta mari namma buttah gacca 'yeh, Malik Dawuduy Yallih numuh yenehiyya elle abak yen innal, Yallih saare aba mara kee yakkuqe marah gacca 'yeenih, Yalla faylisak yenen.

Qedra 6:18

Muusal oobe kitab elle inxicca iyya'nnal, seeka kee Leewih yooboke mara, butta-buttah hayya heenih Yarusalaamal Yallih Qibaadah-Qarit aboonu waan taama keenih warsen.

2 Aydaad 35:10

Tonnal Elle-Tatriyyi-Qiidih yacoonu waan sadgatih bicak gaba kaleenik wadir, seeka kee Leewih yooboke mari, malik keenik elle iyye innal, kulli numuuy isi arac keenik yibbixe.

2 Aydaad 31:2

Ciskiyyaahu, seeka kee Leewî mara mango ikkel kurra heeh, kulli marahaay aboonu waan rikek tan taama keenil yecee. Tohumuu, cararisan sadgat xayyoosaanam kee, laa kee illi mattacoy amaanah xiinaanamih astah qidaanahiyya xayyoosaanamaay, YALLIH Qibaadah-Qarih addal aban qibaadat yangaleenimiiy, woo Qibaadah-Qarik mango culmal Yallah fayla kee candu gacsaanam taamah keenih yecee.

2 Aydaad 23:4

Taway abnu waynam macaay inteenik, seeka kee Leewih yooboke mari sabti ayro taama aba'gidih yamaate waqdi, sidooca afah ken heenno. Naharsi afa keenik Yallih Qibaadah-Qarih afal dacayrih gacele.

2 Aydaad 5:11

Seeka woo sandug daffessa haytek lakal, Taahirik-yan-Aracih-addak tewqe. Woo saaku, seeka akak inxicca iyyan mari faxe gulubuh yaabukoonay inkih gaaboowwa 'yeh, isinni taahirik heen.

1 Aydaad 28:19

Tohuk lakal kaak iyyeemihii, «Taway koh warisak sugga excem inkih, ta qarih xisne kee teetih faxxinta duyye elle bicsan gurraay, taham yoh warissem YALLAAY; usuk yok aba elle iyye'nnal tunkuttubeh tan» kaak iyye.

1 Aydaad 23:1

Dawud idooliteeh, qumrik kaxxa caddo gufe saaku, isi baxa Suleeman Israayil rasul reediseeh malik kaa abe.

1 Aydaad 16:42

A namma num, ahak kalah kaadu, Yallih saare aban waqdi baanta kee giyaagib kee wohuk kalah tan duyyeeyay Yallih saareh yaagureenihiyyah abbootan luk yen. Yedutunuk lab-xaylo Qibaadâ-Qarih-afoofi dacrisak ten.

1 Malikwa 13:1

Malik-Yarobqam, Beetal deqsitta magaalal sadgat-elle-aban-aracal qaydarus qeerisa'gidih soolol yan waqdi, Yuudâ-baaxok-yemeete-nabi, YALLI kaak elle iyye innal, yemeete.

2 Samuwel 23:2

YALLIH *Roocaaniyya yot taniih; edde yaabam teetik gee yaaba. Yoo yaabissam, YALLI yoh yecee rooci.

1 Aydaad 16:37

Dawud, Asaf kee kay wadayah yen Leewih yooboke mara YALLIH Qahdih-Sandug elle tani'kkel aban dooqak abbobtih ken hee. Oson too aracal kulli saaku Yallih taama abaanam taamah luk yenen.

1 Aydaad 24:1

Haaruun kee Haaruunuk rade marih nasab elle yan inni, ah kaana. Naharak Haaruun lab xaylok ferey luk yen. Too ferey, Nadab kee Abiihu kee Alqedar kee Itaamar deqsitak yenen.

1 Aydaad 25:1

Malik Dawud kee kedoh abbobti, Yallih qibaada elle aban ikkel, woo qibaadak foocat gacca 'yeh absiisu waa maray Leewih yoobokehiyya dooren. Asaf kee Heeman kee Yedutun deqsita sidooca gulub akah dooreenim, *kiraraay *begena kee giyaagib aagaruk, Yalli iyyem sinaamah warsaanamih qaadak ten. Toh abu waa mari ah kaana.

1 Aydaad 26:1

Leewih yooboke maray Yallih Qibaadah-Qari dacrisahiyya heen. Too dacayrit tenem, Korac deqsita gulubuk Koré-Maselemya deqsita num yen. Kaxxa abba kaak Asaf deqsita numu.

2 Aydaad 8:15

Duma kay abba, seeka kee Leewih yooboke mara wagitta qaadak duyye elle haan golitte kee, wohuk kalah taniimiy usuk edde yaabeh cabe inkih Suleeman yugdubeh.

2 Aydaad 29:25

Malik Ciskiyyaahu, Gaad deqsita nabiy YALLI Malik Dawuduh ruubehiyya kee nabi Naatan Malik Dawuduk ab axcuk sugtem abe. Ciskiyyaahu, Leewî mara kirar kee *begena digirak, giyaagib aagaruk, YALLIH Qibaadah-Qarih addal hee.

2 Aydaad 35:4

Dawud kee kay baxa Suleeman duma sin elle kurte innal, gulub gulubuh gacca xicay, Yallih Qibaadah-Qarih taamah, mariiy isi arac siinik yabbaxay.

1 Aydaad 9:24

Too mari, Yallih Qibaadah-Qari affara kaalibit inkih dacrisak yen.

1 Aydaad 24:3

Dawud, Haaruunuk radde seeka butta-buttah hayya heeh aboonu waan taama keenih warse. Ta marah aboonu waan taama yaaxigeenim kee, woo taama ken gabal haanamih tiyal, Haaruunuk baxah yen Alqedarak rade Saaduk deqsita sek kee, Haaruunuk baxah yen Itaamarak rade Acimalek deqsita sek kaa elle cate.

2 Aydaad 23:19

Tohuk kalah kaadu, Qibaadâ-Qari taahir maliinoh yamaate mara waasu waa maray Qibaadâ-Qarik culmal dacayrih gacu waahiyya doore.

2 Aydaad 35:15

Leewih marak Asaf gulubut raaqa maray Yallih fayla abahiyya dumaak Dawud kee Asaf kee Heeman kee Yedutun keenih heeh suge aracal gacen. Yedutun Malik Dawuduh Yallak temeete farmo baahak yen nabik ten. Qibaadâ-Qarih afal dacayrih mari isi arac macabinnay dacayrit elle yeedeeh; Elle-Tatriyyi-Qiidih taama Leewih mari ken aftok keenih abe.

Nacmiya 12:25

Mattanya kee Bakbukya kee Qobadya kee Masullam kee Talmon kee Qakkub deqsita num Yallih Qibaadah-Qarik culmal yen makaadiniy duyye edde daanisaanahiyyat aban dacayrik saqoltih yenen.