2 Aydaad 7:22 - NABUWWA KEE MALIKWA

²² Too waqdi tokkel suge mari, ‹Ama marat ah akah tekkem, YALLAY ken kaxxa abbobti elle aamanuk sugteeh Masrik ken yeyyeeqehiyya cabba heenih gabak bicsen duyyeeyah qibaadat gaceenih. Tohih sabbatah YALLI tama-umaane keenil oobise› 'yaanam axcelon» kaak iyye.

2 Aydaad 7:22 Referans Kwoze

Daaniyel 9:12

Nee kee ni abbobtik abeyyo intem abteh. Yarusalaam magaala a addunyah bagul enna 'ta magaaloolik inkih digaalah lafteh.

Yacedkel 14:23

Abba heem akah abeh meqe sabab too saaku yok aaxigetton. Tahat yabtam yoo YALLAY Mulki lehiyya» iyye.

Ermiyaas 1:16

Qagissa heeh yok iyyemii, ‹Yi mari umaanet asa. Yoo cabba heenih yalla axcuk yaqbudeenimih qaydarus ruubaanaah; isinni gabak bicsen duyyeh qibaadat gacen. Tohuk gexxaamah ken digaaleyyo.

2 Aydaad 36:17

YALLI Baabelon-malikiy qeebit ken selu waahiyya keenit ruube. Too malik furrayna sella keenik heeh Yallih Qibaadah-Qarih addal sugte furraynah agantah sella keenik hee. Qunxa num takkuu, idoolite num takku, lab-num takkuu, say-num takku, num keenik macabinnaay, numuh keenik maracmatinna. Yalli makkook ta malikih gabal ken hee.

Ermiyaas 16:11

Too waqdi keenik intu waytaamah: YALLI siinik iyyaamah, Dumî dabaanal isin akak radden sin kaxxa abbobti yoo cabba hayteh gabak bicsen duyye aqbuduk sugen. Yi yab kee anu keenik aba exceemit maqal mahaysitinnoonuuy cinak sugen.

Ermiyaas 22:5

Takkay immay yi amri oggole wayteenik, malik-qari abuur abeyyoomuh inni migaaqal siinih xiibita. Tahat yabtam yoo YALLA› 'yaanam siinik iyya.