2 Aydaad 7:20 - NABUWWA KEE MALIKWA

²⁰ tonnal a baaxoy anu doore ummattah tan Israayilih ecee sugehiyyak sin ayyaaqeyyo. A Qibaadah Qariy yoo elle taqbudeeni'gidih taahirroysehiyya baaqid luk maraaqa. Kulli mari a qari yabloonu waan waqdi, anqaasah elle rabeloonuh, burtelon.

2 Aydaad 7:20 Referans Kwoze

2 Malikwa 17:20

Tonnal YALLI inkih yan Israayil mara yinqibeeh; ken digaaleh, ken naqboytiitiy racmatta sinnih gabal ken hee. Ellecabol isi garik ken xiiriyeh.

Ermiyaas 45:4

yooy YALLAH yani away caxah innah daabise mara buxuxuk ayyaaqeyyooh xiseh suge mara wadir aggileyyo. A saaku inkih tan baaxo baysam faxa.

Ermiyaas 24:9

Baadal enna 'ya mari keenit tekkem yaabbu waa waqdi, kaxxa wariggah wariggitelon. Sinam elle tasuule mara ken abeyyo. Anu ken baadisu waa baaxol, sinam ken migaq xagak gersi mara bursutele. Titta abaara mari, «Woo marat tekkem siinit takkay» axcuk abaaroh ken haysiteloonuh, keenit tekkem missila akkele.

1 Malikwa 14:15

YALLI Israayil digaalele. Israayil mari dori-qaxal tooboke bayrey caacay kabuk kabul yasgayyeh innah gacelon. Duma ken kaxxa abbobtih ikoytah yecee baaxoy away elle yaniinihiyyak ken ayyaaqele. Fuurat weeqaytuk woo kabul ken fixixisele. Toh keenik akah abu waam macaay intek, YALLAT naqabu culseeniih, Aseera deqsittaamay yaqbudeenihiyyah astah heenih sugen gurumuuda soolisen.

1 Malikwa 9:7

tonnal a baaxoy anu doore ummattah tan Israayilih ecee sugehiyyak sin ayyaaqeyyo. A Qibaadah Qariy yoo elle taqbudeeni'gidih taahirroyse baaqid luk maraaqa. Israayil ummatta, kulli ikkek yamaate mari elle anqaasah burtan mara akkelon.

Ermiyaas 31:28

Duma ragidik ken siibak sugeeh, ragidik ken aggaluk suge. Deerik afah ken edde korisak ken bayisak suge. Duma umaane keenit edde aba uddur wagitak suge'mmay, ahak wadir edde ken xisaah daabisa uddur keenih wagteyyo.

Ermiyaas 18:7

Faxe doolat takkuu, faxe mara takku ken bayseyyo. Caxa ragidik elle siiban innal, ragidik ken siibeyyo. Finqa ken abeyyo.

Ermiyaas 12:17

Takkay immay faxe ikkekiiy yanoonay yi yab cineenik, ragidiik ken bayseyyo. Tah intam yoo YALLA» iyye.

Ermiyaas 16:13

Tonna leemiik a baaxok sin ayyaaqeyyooh, duma sin kee sin kaxxa abbobtik num aaxaguk suge wee baaxo fan sin ruubeyyo. Tokkel bar kee laqoh yi aftok xeet kee cooxuk bicsen tumamme aqbudetton. Tahak wadir yi kabuk siinih racmataanam gaba kalteh, 'yaanam keenik inxic› yok iyye» iyye.

Ermiyaas 22:8

Mango baaxoh maray a magaalah garik gitah gaceh gexu waahiyya tet baati yable waqdi, ‹Labhay, a magaala kaxxa magaalak tenek, annah tan umaane YALLI macah teetil oobise?› axcelon.

Ermiyaas 44:8

Ama Masri rasuy elle taniinihiyyal, gabak bicissen duyye akah taqbudeeniih, sadgat too duyyeh migaaqal akah abtaanam macaay?› keenik inxicey. ‹Ta duyyeh abtan sadgatat, isinni nabsi akah bayissaanaah, ilaaqaanaah ces akak iyyan mara akah takkeenim macaay?› keenik inxicey.

Yacedkel 7:24

Kaxxa umeynitih yan mara siinit ruubeyyooh; too mari buxaaxi siinik nagrele. Isin qibaada elle abtan arooca nadaasa abu waa mara siinit ruubu waa waqdi, siinik qande le mari elle kaxxiinitem gaba kalele.

2 Aydaad 36:19

Magaalat maroh sugte gasoosa bututtukka hee. Magaalaay, Yallih Qibaadah Qariiy, magaalal suge doolat-buxaaxi kee addal akak sugte duyye cararise.