2 Aydaad 6:13 - NABUWWA KEE MALIKWA

¹³ Suleeman fayya 'ya aracay nacaasak bicseenihiyya Yallih Qibaadah-Qarih daaratih gudel heeh yen. Too aracay nacaasak bicseenihiyya affara kabuk tittat koona cusul akkuk yen. Fayyah kaadu sidooca cusul akkuk yen. Sarrak too mansafal bukka 'yeeh, kulli num kaa elle yable ikkek gulubuh nokka 'yeeh, dooqah qaran fanah namma gaba fayya hee.

2 Aydaad 6:13 Referans Kwoze

1 Malikwa 8:54

Suleeman ta dooqa abe waqdi, namma gaba qaran fan fayya heeh, YALLAH sadgat elle aban aracak foocal gulubuh gaceh abe. Too dooqak gaba kale waqdi, tokkek ugutta 'yeh,

Nacmiya 8:4

Too ayro aben gaabownal, Qedra too kitab keenih elle yikriyem, bocok bicsen fayya 'ya aracih amok ten. Usuk too kitab keenih yikriye waqdi migdi kabut kaak sugtem, Mattitya kee Samaq kee Qanaaya kee Uriyya kee Cilkiyya kee Maqseyaahu deqsita numuk ten. Guri kabuk kaak tenem, Fadaaya kee Misaayel kee Malkiya kee Casum kee Casbaddana kee Zakariyya kee Masullam deqsita numuk ten.

Qedra 9:5

Sarrak magrib yekkeeh, sadgat edde aban wakti xayyoowe waqdi, Yallah rammitak nadaamah daffeyak elle suge aracak, qanxixe sara xagarat luk, solla exce. Tohuk lakal gulubuh gacca exceh, YALLAY yi Dagelta kinnihiyyal dooqah gaba ruube.

Daaniyel 6:10

Daaniyel a amri yontocowweem yeexege waqdi, isi buxah gexeeh amô-qari yewqe. Too qarih taagat Yarusalaam magaala fan afkunuk yen. Too taagataak dumaak akah abak yene'nnah, fakimit yan taagatih garik gulubuh gacca 'yeh, kulli saaku ayrol sidiica adda Yalla kallacak dooqa abak suge.

2 Aydaad 4:9

Seeka elle gacta'gidih, Qibaadâ-Qarik adda le kabul daarat bicsen. Tonnah kaadu iro le kabuk kaxxa daarat bicsen. Daarat-alfintitte bicseenih; too alfintitte nacaasak exfen.

1 Malikwa 7:12

Malik-qarih-kaxxa-daarat kee, Qibaadâ-Qarih-addah-daarat kee Qibaadâ-Qarih-adda akak culan naharsi goli inkih, sidooca xaay oreenihiyyay tittin bagul heenik xisen. Woo xeetik amo le kabul sariida heen. Kulli gidaarak daga raaqa aracah amma 'yaanamah tonnal bicsen.

1 Malikwa 6:36

Qibaadâ-Qarih-addah-daaratak sidooca xaay oreenihiyyay tittin bagul heenihiyyak lakal, woo xaak amo le kabul sariida coox haak bicsen. Kulli gidaarak daga raaqa aracah amma 'yaanamah tonnal bicsen.

2 Aydaad 6:12

Suleeman toh inxicca 'yeh gaabowwa 'ye mari kaa elle yable'kkel, sadgatah qidan saqa elle carrisan mansaf gariik solla 'yeh, dooqah namma gaba fayya hee.

Nacmiya 1:4

Too xaagu oobbe waqdi, daffa exceh weeqe. Dago ayroora rookat sugeeh, too ayroora maaqo xage'kal suge. Yalla kallaceeh,