2 Aydaad 6:12 - NABUWWA KEE MALIKWA

¹² Suleeman toh inxicca 'yeh gaabowwa 'ye mari kaa elle yable'kkel, sadgatah qidan saqa elle carrisan mansaf gariik solla 'yeh, dooqah namma gaba fayya hee.

2 Aydaad 6:12 Referans Kwoze

Yasaqya 50:10

YALLAK meysitaah, kay-naqasih-yab yaabbe maraw, diteh yan aracal ifu sinnuk gexxan way, Yalla eemenaay kibaal YALLAL haysita.

2 Malikwa 23:3

Sarrak malik elle soola qamiddih garil solla 'yeh, «YALLIH amri oggoluh, Yalla kee xagana culah an. Too kitaabal elle enna 'ta innal, YALLIH xinto kee amri inni afqado kee dudda haamal abeyyo» 'yaanam axcuk qahdi cule. Inkih tan ummatta kay lakal xagana culte.

2 Malikwa 11:14

Woo baaxol qaadah akah abak sugen innah, YALLIH Qibaadah-Qaril yan qamiddih garil, soola malik tuble. Bool-abbobtih ten qaskar kee *baanta yaagure maray maraasiyot kaa yabbixehiyya tuble. Farcatak yan maray waxxaq iyya kee baanta yaagurehiyya tuble. Toh tuble waqdi Qatalya niya teetik baxaqteeh sara isik qanxisseeh, «Gano leelaay, gano leelaay! Ah gano!» inte.

2 Aydaad 6:11

YALLI isi ummat lih abe qahdi-kutbeh elle yan luuc addat akak yan Sandug too qarih addal heeh an» iyye.

2 Aydaad 6:13

Suleeman fayya 'ya aracay nacaasak bicseenihiyya Yallih Qibaadah-Qarih daaratih gudel heeh yen. Too aracay nacaasak bicseenihiyya affara kabuk tittat koona cusul akkuk yen. Fayyah kaadu sidooca cusul akkuk yen. Sarrak too mansafal bukka 'yeeh, kulli num kaa elle yable ikkek gulubuh nokka 'yeeh, dooqah qaran fanah namma gaba fayya hee.