2 Aydaad 5:11 - NABUWWA KEE MALIKWA

¹¹ Seeka woo sandug daffessa haytek lakal, Taahirik-yan-Aracih-addak tewqe. Woo saaku, seeka akak inxicca iyyan mari faxe gulubuh yaabukoonay inkih gaaboowwa 'yeh, isinni taahirik heen.

2 Aydaad 5:11 Referans Kwoze

2 Aydaad 35:4

Dawud kee kay baxa Suleeman duma sin elle kurte innal, gulub gulubuh gacca xicay, Yallih Qibaadah-Qarih taamah, mariiy isi arac siinik yabbaxay.

2 Aydaad 29:5

Tokkel ken lih yaabeh keenik iyyemii, «Isin Leewî-maraw, siinik axcem yok oobbeya. Taahirik isinni haa; YALLAY sin kaxxa abbobti doorehiyya elle yaqbuden qari taahirroysa. Kay Qibaadah-Qari wassakossa haytam inkih wokkek kala.

2 Aydaad 30:15

Elle-Tatriyyi-Qiid edde aben nammeyhaytoh alsak taban kee fereyhaytoh ayro, qiddi sadgatah marqa qiden. Seeka kee Leewî-marak taahirik keenik suge wee mari wohut wacarriyeeh, tonna-leemiik isinni taahirik hayya heenih, YALLIH Qibaadah-Qarih fooca le kabul cararisen sadgat baahen.

2 Aydaad 29:34

Mangah woo saq inkih tasguude seeka wokkel masuginnaay; tonna-leemiik Leewî mari woo saq inkih usgudda haanam fan kee gersi seeka taahirih gactam fan masgaadal seeka catak sugen. Leewî mari imaanak gexxaamah, seekak fula taahirik isinni abbaxuk sugen.

2 Aydaad 29:15

Ta mari isi innah yan Leewih yooboke marah daffeyna hee. Aham keenih warseenih isinni kaadu taahirroyseenih. Sarrak malik keenik akah inxicca 'ye innah, YALLIH Qibaadah-Qari taahirroyseenih. Tohim Yallih xinto inte innal aben.

2 Aydaad 5:12

Leewih ubukka 'ye marak saare abak ten Asaf kee Ceeman kee Yedutun akak axcuk yenen labha kee, oson akah yooboken gulubut raaqak yen mari inkih, too saaku sartanah *baftak bicsen meqe sarot gaceeniih; sadgat elle aban mansafak ayrô-mawqa le kabut, kirar kee *begena digirak giyaagib aagaruk soolen. Bool kee labaatanni seekiy *baanta aagaruk ken xaqut soolak yenen.

1 Aydaad 15:14

Dawud toh keenik iyyek wadiril, seeka kee Leewih yooboke mari, YALLAY Israayil doore Dagelta kinnihiyyah Qahdih Sandug Yarusalaam fan baahaana'gidih, taahirik gacen.

2 Aydaad 35:6

Elle-Tatriyyi-Qiidih maraaqe sadgatah qiddaanama. Tahaysa taahirik gacca xicay sadgatah qidan saqa missoysa. Toh abtan waqdi, Israayil mari YALLI Muusal oobise xinto intam abelon» keenik iyye.