2 Aydaad 4:2 - NABUWWA KEE MALIKWA

² Curam kaadu nacaasak sacni gurral yan kaxxa tanak bicse. Too tanakak adda koona cusul akkuk ten. A sanaak woo san farakkah tabna cusul akkuk yen. Soddom cusul kaadu inkih yan tattab kaak akkuk yen.

2 Aydaad 4:2 Referans Kwoze

Zakariyya 13:1

YALLAY Nabaamak Nabahiyya iyyaamah, «Too ayro Yarusalaam ummat kee Dawuduk rade mari abak suge caraamu kee uma-taamak edde taahirroowoonuh, edde kaqalan buyyi keenih racele.

2 Malikwa 25:13

Baabelon-mari YALLIH Qibaadah-Qaril addal ten qamidway nacaasak bicseenihiyya kee, wokkel ten gaariiray nacaasak bicseeni bututtukku heen. Tonnah kaadu, nacaasak bicsen kaxxa tanakay Qibaadâ-Qaril yenehiyya yiggiggileenih. Too nacaas inkih Baabelon fan been.

2 Aydaad 4:3

Namma roorul sittak bagul tan kulli cusulul tabna awur ceeloh taswiir tanakak a exxaay woo exxal akak yen. A taswiir yakkeemiik raaqe tanakak baxsa sinni gurral bicseenih yenen.

1 Aydaad 18:8

Tohuk kalah kaadu, nacaasak bicsen duyyek mangom raaqise. Too duyye akak beem, Tibhat kee Kun deqsitta namma magaalay Hadad-Qeder malikih elle sugehiyyak ten. Suleeman, Yallih Qibaadah-Qarih addal ten qamidwa kee kaxxa tanak kee, tonnah kaadu, nacaasak bicissa heen duyyeeyay Qibaadâ-Qarih-taama edde abak sugeenihiyya woo nacaasak bicsiise.