2 Aydaad 34:7 - NABUWWA KEE MALIKWA

⁷ Inkih tan kilbat le kabut raqta Israayil baaxol sugga 'te duyyeeyah heen sadgatih-aroocak kee, Aseera deqsittaamay yaqbudeenihiyyah astah heenih sugen gurumuuda kee, gabak bicsen duyyey yaqbudeenihiyya bututtukkaay riira abba hee. Too duyyeh qibaadah qaydarus elle qeerisak sugen arooca kaadu riira abe. Tohuk gaba kale waqdi, Yarusalaam magaala fanah yuduure.

2 Aydaad 34:7 Referans Kwoze

2 Aydaad 31:1

Qiid gaba kalek lakal, tokkel suge Israayil mari yakkeemiik, Yuudâ rasul enna 'ta magaalooli fanah gexeeniih, taahirik tan qamidwa akak iyyan qamidway xeetik bicseenihiyya yiggiggileh. Aseera deqsittaamay yaqbudeenihiyyah astah heenih sugen gurumuuda bututtukku heeniih, sadgat elle aban arooca kee Yalla maleela qibaada elle abak sugte aroocay fayyat raqtahiyya bayseenih. Raqqa 'te Yuudah-baaxol inkih tonnah tanim abeeniih; tohuk kalah kaadu, Benyam kee Efrayimiiy Manassê rasul inkih, tonnah tanim aben. Tohuk gaba kalen waqdi, isinni buxaaxih yuduuren.

2 Aydaad 34:1

Yoosiyaahu naharak Yuudâ malik yekke saaku bacra karmat yen. Soddom kee inki sanat Yarusalaamal malikih suge.

2 Malikwa 23:19

Tohuk kalah kaadu, Yoosiyaahu, Israayil-malikwa Samaariyah rasuk magaaloolih addal, gabak bicsen duyye elle yaqbudoonuh bicsen arooca bayse. YALLIH naqbi too aroocat aban qibaadah sabbatah keenil oobak suge.

2 Aydaad 14:5

Yuudâ-magaaloolik kaak duma sugte diini-maleela qibaada-elle-aban-aroocay fayyat raqtahiyya kee qaydarus elle qeerisak sugen arooca bayisak sugeeh; tohuk gexxaamah usuk malikih suge saaku kay baaxo amaanah sugte.

Yasaqya 17:8

Isinni gabak bicsen aroocay sadgat elle abaanahiyyal kibaal haak maraaqan. Tonnah kaadu Aseera deqsittaamay yaqbudeenihiyyah astah heenih sugen gurumuuda kee, qaydarus elle qeerisan aroocal kibaal haak maraaqan.

Miika 1:7

Xeet kee coox kee biriitak bicsen duyyey aqbuduk sugeenihiyya riira akkele. Woo duyyeh qibaada elle aban qaril tan xiiqareh-xiinah yan agabuh acayuk sugen duyyet inkih gira gexele. Too yaqbuden duyyeeyah ceelo bayele. Woo duyye naqboytiitih keenik yan mari keenik beeleeh; too duyyey beenihiyya isinni yallitteh ceelo elle yaqbuden qarwal tan xiiqareh-xiinah aceelon» iyye.

2 Malikwa 10:26

Woo saytun-qamiddu akak axcuk sugen qamidduy wokkel sugehiyya afah yeyyeeqeenih cararisen.

2 Malikwa 23:15

Yoosiyaahu, Nabát-Yarobqamay Israayil mara dambit asisehiyya, Beetal deqsita aracal, gabak bicsen duyyeh-ceelo elle yaqbudoonuh heeh suge arac kee sadgat elle aben mansaf yiggileh. Too duyyeh qibaadah aracay tokkel hee sugehiyya butukku heeh, xeet akak iggiggilla heeh, gomboduh gacissa hee. Aseera akak iyyan duyyey say-yallah luk sugeenihiyyah soolisen gurmuddat gira ruube.

2 Aydaad 14:2

Aasa YALLAY kay Dagelta kinnihiyya kicnam abakaay cakki gitat gexa malikik ten.