2 Aydaad 34:12 - NABUWWA KEE MALIKWA

¹² A qarih xisne abe mari amaanat kee digga le marak ten. Leewih yooboke marak affara num oson aben taamak amo wagitak ten. Too affara numuk namma num migaaqah Yacat kee Qobadya deqsitak ten. Maraari deqsita gulubuh aabakuk yenen. Gersi namma numuh tu gactekiiy, migaaqah Zakariyya kee Masullam deqsitak yenen. Kohat deqsita gulubuh aabakuk yenen. Leewih yooboke mari yakkeemiik fayla wagga haytaamal dudda le ixxiga le marak ten.

2 Aydaad 34:12 Referans Kwoze

2 Malikwa 12:15

Taamak saqoltih yen mari digga leeh yaaminen marak teneeh; tonna-leemiik lakqo looweenih keenil yeceenim faxxiimak mananna.

1 Aydaad 23:5

Kaadu too soddom kee bacra alfik affara alfih num taamah yaallu waam, Qibaadâ-Qarih afah dacayri kee, affara alfih num kaadu YALLA saarisu waa mara akkele. Kaa saarisan waqdi, yaaguren duyyey anu keenih bicsehiyya aagaruk abelon» iyye.

Nacmiya 7:2

Tohuk lakal anu Yarusalaam magaalah adda xiinisu waa namma num xintoh abbah hee. Too namma numuk tiyak teeni, yi toobokoyta Canaanik ten. Akitti kaadu megdebik abbah yen Cananya deqsita numuk ten. Cananya imaan digga kee Yallih meysih kay innah yan num mananna.

2 Aydaad 31:12

ummatta elle haytaamak mattaco kee tabanhaytoh af tokket daanah keenih hayte. Too duyyek dacayrih abbah Konanyaahu deqsita Leewih yooboke num heeniih; kay gubal kay toobokoytay migaaqah Simqi deqsitahiyya heen.

1 Aydaad 16:41

Oson toh aban waqdi, Heeman kee Yedutun deqsitta namma num kee ken lih yeexegen maray YALLA saarisaana'gidih dooreenihiyya tokkel too saare abak ten. YALLIH kacanuy waarahiyya faylisak yenen.

2 Malikwa 22:7

‹Qari xisne absiisa mari yaaminen mara kinnuk, ken gabat tan lakqok loowoh faxxintam mali› Cilkiyyak inxic» 'yaanam farmoh kaal ruube.

Qedra 3:9

Yaasuwa kee kay xaylooy, kaah ramad elli haa maraay, Kadmiyal deqsita num kee, Binnuy deqsita num kee, Hodawya deqsita num sittat Yallih Qibaadah-Qari xisa marih amô-wagittot yenen. Cendad deqsita gulubuh yooboke mari woo taamal ken cate. Too mari inkih Leewî-kedoh aabakuk yen.