2 Aydaad 33:3 - NABUWWA KEE MALIKWA

³ Kay abba Ciskiyyaahu bayseh suge aroocay diini-maleela qibaadah luk sugtehiyya wadir nammeyhaak bicse. Baqal elle yaqbudeeni'gidih sadgat elle aban arooca bicse. Aseera deqsittaamay yaqbudeenihiyyah astah heenih sugen gurumuuda soolise. Manasse cutuuka kaadu edde aqbuduk yen.

2 Aydaad 33:3 Referans Kwoze

2 Aydaad 31:1

Qiid gaba kalek lakal, tokkel suge Israayil mari yakkeemiik, Yuudâ rasul enna 'ta magaalooli fanah gexeeniih, taahirik tan qamidwa akak iyyan qamidway xeetik bicseenihiyya yiggiggileh. Aseera deqsittaamay yaqbudeenihiyyah astah heenih sugen gurumuuda bututtukku heeniih, sadgat elle aban arooca kee Yalla maleela qibaada elle abak sugte aroocay fayyat raqtahiyya bayseenih. Raqqa 'te Yuudah-baaxol inkih tonnah tanim abeeniih; tohuk kalah kaadu, Benyam kee Efrayimiiy Manassê rasul inkih, tonnah tanim aben. Tohuk gaba kalen waqdi, isinni buxaaxih yuduuren.

2 Aydaad 30:14

Woo mari, Yarusalaamal sugga 'te mansafittey sadgat elle abak sugeenihiyya kee, tonnah kaadu, qaydarus elle qeerisak sugen mansafitte inkih beyya heenih Kidroon-Goloh addat qiden.

Xafanya 1:5

Qarwah amol gacca 'yeh, ayro kee alsa kee cutuuka yaqbude mara bayseyyo. Yoo yaqbudeeh, yi migaaqal xiibitak wadir, yok kalah Milkom deqsitta duyye yaqbude maray too duyyeh migaaqal xiibitahiyya bayseyyo.

Ermiyaas 19:13

Yarusalaam magaalah qarwaay, malikwâ qarwa kee magaalal enna 'ya marih qarwa, nadaysa akah takke innah abeyyo. Too qarwah amol, yaqbuden cutuukah qaydarus ruubak sugen. Mango qaynatih duyyey yaqbudeenihiyyah amol, qibaadah qinabak bicsen kamri caxak sugen. Tonna leemiik too qarwa inkih nadaysa akah takke'nnah absiiseyyom keenih waris› » yok iyye.

2 Malikwa 18:4

Qibaada elle abak sugen aroocay fayyat raqtahiyya bayseeh; taahirik tan qamidwa akak iyyan qamidway xeetik bicseenihiyya bututtukka heen. Aseera deqsittaamay yaqbudeenihiyyah astah heenih sugen gurumuuda yiggiggileh. Muusa nacaasak bicseh cabe abeesah-ceeloy migaaqah Nacustan akak iyyeenihiyya kaadu bututtukka hee. Too abeesah ceelo yaggileenimik duma, Israayil mari woo abeesah ceeloh assakaxxiyyah qerto akah ruubak sugen.

Ermiyaas 17:2

Sin mari silal le cooxih xaqul kee, koomaamih amo kee dululuh tan baaxol yan qaleelah amol, say-yalla akak iyyan Aseerâ migaaqal soolisen gurumuuda kee tet qibaadah xisen arooca yaqbuden. Edderra hayteenim kee maaluk elli haytaanam, a baaxoy siinih aceehiyyal abten dambih sabbatah, sin naqboytiitih gabat sin aysacawweyyo.

Ermiyaas 8:2

Too lafoofi inki aracal gaaboysak mayaaguqaanaay; guddaafa baaxot elle caxan innal, baaxot qidelon. Ken elle qiden ikkel qangalaylut raaqelon. Tokkel ayro kee alsa kee cutuukay oson kicinukuuy aqbudukuuy faxaanam elle esserak sugeenihiyyah gubal qangalayle lon.

2 Aydaad 32:12

Yallih sadgat elle aban arooca kee diyaarah arooca bayisseeh; sarrak Yuuda kee Yarusalaam marak, ‹Qibaada kee qerto qeerisiyya dibuk inki aracal aba› intem kaa» keenik iyyen.

2 Malikwa 23:11

Tonnah kaadu, Yuudâ-malikwa ayrô-qibaadah hayteh sugte faroosa, elle sugte aracak kaleh. Gaariiray kaadu Yuudâ-malikwa ayrô-qibaadah heenih sugeenit gira ruube. A faaris kee gaariira elle sugtem, YALLIH Qibaadah-Qarih-daaratah akak culan afak ten. Tohum, Naatan-Melek deqsita numuy abbootan lehiyya qarik xayi aracak ten.

2 Malikwa 21:3

Kay abba Ciskiyyaahu bayseh suge aroocay diini-maleela qibaadah luk sugtehiyya wadir nammeyhaak xise. Baqal elle yaqbudeeni'gidih, sadgat elle aban arooca bicse. Kaak dumal Israayil-malikih yen Acab akah abe innah, migaaqah Aseera deqsittaamay yaqbudeenihiyyah astah heenih sugen gurmudda soolise. Manasse cutuuka kaadu edde aqbuduk yen.

1 Malikwa 14:23

Kulli qaleh amo kee silal le cooxih gubal, duyye elle yaqbuden arooca xiseeniih, taahirik tan qamidwa akak iyyan qamidway xeetik bicseenihiyya sooliseenih, Aseera deqsittaamay yaqbudeenihiyyah astah heenih sugen gurumuuda soolisen.

2 Malikwa 23:4

Tohuk lakal malik kaxxa seekih yan Cilkiyya kee, kay gubal tan seeka kee, YALLIH Qibaadah-Qarih culmak afal dacayrih yen marak iyyeemih, «Gexay, YALLIH Qibaadah-Qarih addal tan duyyey Baqal kee Aseera akak iyyaanamay yallah loonuh qibaadah heenihiyya, wokkeh addak eyyeeqa. Cutuukah qibaadah heen duyye kaadu wokkek addak kala» iyye. Too duyye tokkek yeyyeeqen waqdi, beyya heenih, magaalak afal Kidroon deqsitta goloh addal gira edde ruuben. «Too girak raaqe gombod Beetal fan beya» iyye.

2 Aydaad 28:24

Acad kaadu YALLIH Qibaadah-Qaril sugte duyye wokkek beeh, rike-rikeh kureeh, Qibaadâ-Qarih afoofi alfe. Yarusalaam magaalah gitittek xaqul sadgat elle aban arooca xise.

2 Aydaad 33:15

Yallih aftok aqbuduk suggu 'yen duyyeeya kee gabak bicsen ceeloy Yallih Qibaadah-Qarih addal isih heeh sugehiyya wokkek kaleh. Kalah kaadu, diini-maleela taqbudeemih sadgat elle aban aroocay Qibaadâ-Qari elle yan koomah amol tenee kee, tonnah kaadu, Yarusalaamak gersi aroocal tenehiyya wokkek kaleh. Woo duyye magaalak iroh eyyeqqa heeh baaxot qide.

2 Aydaad 33:19

Malik Manasse abe dooqa kee Yalli woo dooqa kaak elle oggole'nnaay; toobitaamak duma dambi kee umaanek abeh gide inkih Nabuwwah-Aydaada deqsita kitaabal yan. Usuk toobitaamak duma, bicsiiseh suge diini maleela qibaada elle abta aroocay fayyat raqtahiyyaay, Aseera deqsittaamay yaqbudeenihiyyah astah heenih sugen gurumuuda elle soolise arooca kee, gabak bicsen duyyeeyay yaqbudeenihiyya elle hee arooca inkih, kaadu woo kitaabal yan.

2 Aydaad 34:25

Kalah kaak intaanamahaa, ‹Toh akah abu waam, oson yoo cineeniih, xeet kee cooxuk isinni gabak bicsen duyye yaqbudeeniih; anu inqibba haam aban. Yi naqbi Yarusalaamal oobeh ikkal, ahaysa maxamaca› 'yaanam iyye kaak inxica» inte.

Ermiyaas 7:30

« ‹Macaay inteenik, Yuudâ-mari umâ-yabulih tanim abe. Yoo elle yaqbuden yi Qibaadah-Qaril, umâ-yabulih tan duyyey yi aftok yaqbudeenihiyya heeniih, qari nadaasa yok aben. Tah intam yoo YALLA.