2 Aydaad 30:9 - NABUWWA KEE MALIKWA

⁹ YALLAL tuduureenik, sin mara seewah bee mari keenih xuwaaweleeh, isinni buxah yaduuroonay ken axcelon. YALLI maqaane kee racmatta le Yallaay; kaal tuduureenik, sin oggolele» 'yaanamih farmo keenit waden.

2 Aydaad 30:9 Referans Kwoze

Yasaqya 55:7

Umeynit edde yanin uma gitak yaduuroonay; baguh yacsuben umaane caboonay. YALLA kinni ni Dageltal yaduuroonay. Toh abeenik, keenih racmateleeh, qafu keenih abele.

Miika 7:18

«Kok sa Yalli mayana. A saaku ku digaalak cattiime marah qafu abte. Akak aduure wayta naqabuh matanqiba. Amurruqe sinni kacanu nee taybulluyem koo ruffa hayta.

1 Malikwa 8:50

Kol bahha heen umaane kee dambik qafu keenih ab. Seewah ken bee marih gaba keenil xabbacos.

Nacmiya 9:17

Koo yaabbeenim cineeniih, atu abte ablewaynuh tan taama hawweeneenih. Kaxxiinak gexxaamah, wadir Masri naqoosinnah ken gacisu waa abba dooren. Atu tohuh, yi Dageltaw, racmatta kee maqaane le Dageltay qafu abahiyya kinnito. Naqabut asissike waah, sahdah kaxxa kacanu yaybulle Dagelta kinnito. Tohih sabbatah booxal qidda heeh darre keenit macabinnito.

Yoonas 4:2

Tohuk gexxaamah YALLA fan dooqa abe. Dooqah iyyemii, «YALLAW, anu ku farmo gabat luk buxak ugte saaku, ah abtu waytaamih cunxoh inni bagul luk suge. Isbaaniya baaxo akah kudem tohu. Atu kulli way maqaane kee racmatta le Dagelta kinnitom kok aaxigeh. Dagoomut mabagcarritaay digaalat matasissikaay kaxxa kacanu taybullee. Sahda abta umaanek sahdah qafu aba Dagelta kinnitom kok aaxigeh.

Ermiyaas 18:17

Ayrô-mawqa le kabuk silsa caacay siisa gabat elle beya'nnal, inni mara, ken niqbah yan naqboytiitih foocal tonnal beeyyooh, fixixiseyyo. Too bala keenil oobisu waa waqdi, darre keenit cabeyyooh, ken able waah innah gaceyyo» iyye.

Nacmiya 9:31

Ku racmatta caddo maliiy, tohuk gexxaamah darre keenit macabinnitooy, bayi ken mahannito. Kaxxa maqaane kee racmatta le Dagelta kinnito.

2 Aydaad 15:2

too num tohuk lakal malik Aasat matra'gidih gexe. Anay fayya heeh deero kaah abeeh, «Malik Aasaw, yoo ankacis. Yuuda kee Benyam maraw, kaadu yoo ankacisa. Isin YALLIH mara tekkeenik, YALLI kaadu sin lih anele. Niya kaa fanah hayteenik, kaa gee liton. Takkay immay darre kaat cabteenik, darre siinit cabele.

2 Aydaad 7:14

yi maray yi migaaqal yaaxigeenihiyya yoh rammitak yoo kallaceeniih, abak sugen umaane cabba heenih toobiten ken tekkek, tonnal aban dooqa, elle an qaraanak keenik aabbeyyooh, abeenimik qafu keenih abeyyo. Ken baaxol suggu 'ye niqmat wadir keenih gacseyyo.