2 Aydaad 30:21 - NABUWWA KEE MALIKWA

²¹ Kamiir-Sinni-Gaqamboh Qiidih Yarusalaamal gaaboowe mari woo qiidit malcina ayroh gide farci luk assakaxxuk sugen. Leewî-mara kee seeka kulli ayro YALLA baguuk faylisak sugte. Saareh yaaguren duyye kaadu meqe'nnal yoogoren.

2 Aydaad 30:21 Referans Kwoze

Nacmiya 8:10

«Ahaysa isinni buxa gexaay, meqe maaqo akumaay salfa le maqab aqubaay, qiidih asa. Liton maaqo kee maqab tu aalle waa marah acuya. A saaki ni Goytah garil taahirik tan ayrok markitina. Sin cayli, YALLI siinih yecee rufto» keenik iyyen.

2 Aydaad 30:26

Yarusalaam magaalah mari Dawud baxah yen Suleeman dabaanaak wadiril, annah tanim yubleh masuginnaay; tonna-leemiik kaxxam ruffa iyyen.

2 Aydaad 20:21

Yacoosafat isi mara lih malissa heek lakal, Yallih saare aba marak, «YALLIH Qiidih ayro edde gactan sarat gacca 'xicay qaskarak foocat, ‹YALLIH kacni mayambaxak, tohul candu kaah gacisa›, axcuk YALLA saarisak gexa» iyye.

2 Aydaad 7:10

Tohul ciggilta ayroy sanatak malcinhaytoh alsaay ayrok labaatanna kee sidochaytoh ayro kinnihiyyat Suleeman, yemeete mara, le baaxo fanah rubsuuse. Amma 'ye mari inkih, YALLI Israayil ummatay isi marah tanihiyya kee, Dawud kee Suleemanat hee barkat yubleenimih sabbatah, kaxxam ruffa iyyen.

2 Aydaad 30:11

Takkay immay Aaser kee Manasse kee Dablon kedoh addak tu yakke maray YALLAH rammitehiyya gexe. Too mari farmo oggoleh Yarusalaam fan gexe.

2 Aydaad 35:17

Tokkel too saaku gaabowwa 'ye mari Elle-Tatriyyi-Qiid kee Kamiir-Sinni-Gaqamboh Qiid malcina ayroh tokkel abak sugen.

Nacmiya 8:17

Seewah ken elle beenih sugen baaxok yuduure mari inkih daboyta xissite. Tannah tanim Nuun-Yoosuwa yen dabaanak wadir ummatta abteh masuginnaay, too saaku ummatta kaxxam ruffu 'teh asse.

2 Aydaad 29:30

Malik kee baaxoh abbobti, Leewî marak, «Malik Dawud kee nabi Asaf tuktube YALLIH saare aba» iyyen. Too mari inkih gulubuh gacca 'yeh ruffa axcuk too saare abeeniih, YALLA yuqbuden.