2 Aydaad 3:16 - NABUWWA KEE MALIKWA

¹⁶ A qamidwak amo, silsilat kee bool takke rummaanat-ceeloy woo silsilatih bagul tenehiyyak bilqiseenih yenen.

2 Aydaad 3:16 Referans Kwoze

1 Malikwa 7:20

Woo mansaf elle heenim, qamidduk silsilat taswiir elle yani ikkek daga raqqa 'ta amoy maroh tanihiyyak ten. Rummaanak namma boolih xayloy namma rooruh tanihiyyah taswiir woo mansafih bagul yen.

1 Malikwa 6:21

Qibaadâ-Qarik adda inkih dahabak bileenih yenen. Qibaadâ-Qarik Kulliimik-Taahiriinoh-Yayse-Golik adda akak culan afat dahabak bicsen silsilat axawah yen.

2 Aydaad 3:15

Kalah kaadu namma qamiddu bicsiiseeh; kulli qamiddi soddom kee koona cusul xexxaarah akkuk yen. Too namma qamiddu bahha heeh, Yallih Qibaadah-Qarik foocal soolise. Too qamidwak amot tan duyye fayyah koona cusul akkuk ten.

2 Aydaad 3:17

A namma qamiddu elle sooliseenim, Qibaadâ-Qarih culmak a gambi kee woo gambik ten. Qari akak culan afak migdi kabuk soolisen qamiddi migaaqah Yaakin deqsitak yen. Guri kabut soolak yen qamiddi migaaqah Booqas deqsitak yen.

2 Aydaad 4:12

Usuk bicse duyye ah teeti: Namma qamiddu kee woo namma qamidduh amot heen sacni af le duyye kee too duyyey sacni af lehiyyak bagul bilqah heen sudaaducuh tittat yoxeen silsilatih tasaawir kee

2 Aydaad 4:13

rummaanat tasaawiriy affara bool mangah yakkehiyya bicse. Too tasaawir qamiddi amot tan duyyey sacni af lehiyyak bagul, tittat yoxeen silsilatih bagul, kulli mansafak a exxaay woo exxak namma rooruh hayya heenih duuduseenih yenen.