2 Aydaad 28:5 - NABUWWA KEE MALIKWA

^5-6 Usuk abah yan dambih, YALLAY kay Dagelta kinnihiyya Suuriyah malik kaat ugse. Too malik qeebil kaak yeyseeh, sarrak too malik Yuudâ-marak mangom seewah Damasko fan gabat bee. Tonnah kaadu, Israayil malikiy Ramalyaahû-Fekac deqsitahiyya kaat ruubeeh; too malik Yuudâ-qaskaray kaxxa agiirah tenehiyyak bool kee labaatanni alfih num inki ayroh addat qide. YALLI tah keenil akah baahem, kaay oson akak raden ken kaxxa abbobti doorehiyya cabba heenih dambi le taamat asak sugeenimih sabbata.

2 Aydaad 28:5 Referans Kwoze

Yasaqya 7:1

Qudiyyâ-Yootam baxay Malik Acad deqsitahiyya Yuudâ-rasul malikih yen dabaanal carbi rade. Suuriyah malikih suge Raaxin kee Israayil malikih suge Ramalyaahû-Fekac Yarusalaam magaala tabbixem faxxe. Takkay immay yabbixoonu yeffereenih.

2 Aydaad 24:24

Suuriyah qaskar Yuudâ-qaskarak daguk tene'mmay, YALLI makkok keenik ken yiysiiseh. YALLAY ken kaxxa abbobti aqbuduk tenehiyya toh keenik akah abem, kaa cineemih sabbata. YALLI, Malik-Yooqas tonnal digaale.

Yasaqya 7:6

‹Yuudâ-rasu wararennooh Yuudâ-mara meysiisennooh, ken baaxo ninnih abbixenno. Sarrak Tabqel deqsita numih baxa malikih heenno› iyyan.

2 Aydaad 36:17

YALLI Baabelon-malikiy qeebit ken selu waahiyya keenit ruube. Too malik furrayna sella keenik heeh Yallih Qibaadah-Qarih addal sugte furraynah agantah sella keenik hee. Qunxa num takkuu, idoolite num takku, lab-num takkuu, say-num takku, num keenik macabinnaay, numuh keenik maracmatinna. Yalli makkook ta malikih gabal ken hee.

2 Aydaad 36:5

Yahoyaakim, Yuudâ-malik yekke saaku qumrik labaatanna kee koona karmat yen. Sarrak Yarusalaam magaalal taban kee inki sanat malikih suge. YALLAY kay Dagelta kinnihiyyal dambi lem baahak suge.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

Makaabon 2:14

Toh keenik yuble waqdi, YALLI bagcarriteeh; umeynit buxaaxi keenik akah bubta'nnah abe. Dariifal keenik sugga 'te naqboytit caylah keenik yiysiiseh. Naqboytiitit koysitoonu yeffereenih.

2 Aydaad 29:9

Ni abbobti carbit rabteeh, ni agabu kee xaylo seewah been.

Yacedkel 16:57

Abte umaane kok qaddowtaamak dumal, keenil asaaluk sugte. A saaku atu kaadu miduh elle yasuulen sahdaytó tekke. Edom kee Filistiin mari elle yasuulem koo. Ku deraafil yan mari koo bursuta.