2 Aydaad 26:7 - NABUWWA KEE MALIKWA

⁷ Filistiin-mara kee, Gurbaqal deqsitta magaalal ten Qarab kee, Maquunim deqsita marat abe gaadul Yalli nasri kaah yecee.

2 Aydaad 26:7 Referans Kwoze

2 Aydaad 21:16

YALLI, Filistiin mara kee Qarab marak tu takkemiy Kuus mari dabqah elle yan ikkeh xaqul tenehiyya, Yahooram-marat qeebi akah aban innah ken uguuguse.

1 Aydaad 5:20

Too qeebih addat, «Nee cat» axcuk Yallal weeqen waqdi, Yalli ken cateh, Hagrih-yooboke-mara kee carbil ken catak yen marak qeebil ken yiysiiseh. Yallal aaminuk yeneenimih sabbatah, usuk ken kallaci yoobbe.

Yasaqya 14:29

Isin *Filistiin maraw, ruffu maxcina. Sin aatakuk suge birti yiddigilleh immay, abeesak teena rabtaamah wohuk gacta abeesa ciggiilele. Abeesa xalte naalaytih addak haada baadeysi awqele.

2 Aydaad 20:1

Ayrok teena Mooyab kee Qammon qaskar Maquunim deqsita maray qalla lih luk yeneenihiyya lih gacca 'yeenih, Yuudâ-rasu wararen.

2 Aydaad 17:11

*Filistiin marak tu takkem mattacoh lakqo kee kalah tan duyyeeya kaah bahte. Qarab marak baali tonnah, mattacoh illik malciina alfi kee malcina boolih maruw kee, wadarak kaadu malciina alfi kee malcina boolih dabeela takkem baahen.

2 Aydaad 14:11

Tokkel qeebi radaamak dumal, Aasa YALLAY isi Dagelta kinnihiyya fan dooqa abeeh; dooqah iyyeemih, «YALLAW, boola-le-qaskar cayla-le-qaskarak qeebil taysiisem koo. Nanu, ni Dageltaw, kibaalah linom koo kinnuk, a gid takke qaskaray loowo sinnihiyyat qeebi abna'gidih ku migaaqal ugunneh nan. YALLAW, nee cat; nee doortem koo. Kok taysem matana» iyye.

1 Aydaad 12:18

«Yaaxigen Soddomuk» qaskar abba yakku waa numuy Qamaasay deqsitahiyya too marak numuk teenak ten. Too waqdi Yallih *Roocaaniyya kaal obteeh, isi milkih kaa hayte. Too num too waqdi anay fayya haak yaabeeh, «Yiisâ-baxa Dawudow, nanu ku mara kinninoh, ko'lih nan. Yalla kinni ku Dagelti ku qaxat yaniih; amaan kee wagari ko'lih yanay. Qeebil koo cata mari nasri geyay» iyye. Too waqdi Dawud ken arcibiseeh isi qaskarak abbobtih ken hee.

1 Aydaad 4:41

Ciskiyyaahu Yuudâ-malikih yen dabaanal, Simqaan-kedoh-abbobti too baaxo temeeteeh; Caamak rade maray isi siraaqat elle sugeenihiyyat qeebi aben. Maquunim deqsitak yen marat kaadu qeebi aben. A saaku fanah elle tablen innah, too mara inkih selli heen. Sarra too baaxo meqe qayso luk sugteemih sabbatah tokkel gacen.

2 Aydaad 14:10

Aasa qeebi kaat aba'gidih, elle suge ikkek yemeete. Sarrakaa, Dafaata-Golo deqsita aracay Mareesâ magaalat xayuk raaqahiyyal fooca kee foocah gacca 'yeenih qeebih bicsiten.

2 Aydaad 25:8

A mari carbil kaxxam koh xiqeloonum takkale koo immay, nasri koh teceeh qeebil naqboytak koo taysiisem, Yalla ikkal, a mara hinna. A mari sin lih gexek, Yalli naqboytit siinik aysiisele» kaak iyye.