2 Aydaad 26:5 - NABUWWA KEE MALIKWA

⁵ Zakariyya akak iyyan seekiy Yallih gita kaa barisak yenehiyya addunyal suggu 'yem fanah, kay fayu oggolakaay YALLI kicna taamah baguuk taamitak suge. Tonna-leemiik Yalli barkat kaat hee.

2 Aydaad 26:5 Referans Kwoze

2 Aydaad 15:2

too num tohuk lakal malik Aasat matra'gidih gexe. Anay fayya heeh deero kaah abeeh, «Malik Aasaw, yoo ankacis. Yuuda kee Benyam maraw, kaadu yoo ankacisa. Isin YALLIH mara tekkeenik, YALLI kaadu sin lih anele. Niya kaa fanah hayteenik, kaa gee liton. Takkay immay darre kaat cabteenik, darre siinit cabele.

2 Aydaad 24:2

Yooqas, sek Yoyadaq addunyal yanim fanah, YALLI kicna taamat asak suge.

1 Aydaad 22:13

YALLI, Israayil ummatah Muusal ruube xinto duudussek, tonnal, yi baxaw, kullim gabal kok bicele. A taamal digga xicay agaagul akak cab; tuk mameysitinaay, niya kok baxqe waytay.

Daaniyel 5:16

Takkay immay too maral gibdaabina lem kol sahlih taniih; sinam gita akah wayteemih atu gita geyta 'yaanam kok iyyan. Tonna leemiik atu a kiraati tikriyeeh maqna akak teexegek, malik buxah mari haa qasdiimin sartan kee dahabak bicsen silsilatay massakaxxah fillat haanahiyya koh aceeyyo. Abbootanah kaadu yok gubal sidochaytô-num akketto» kaak iyye.

Daaniyel 10:1

Kooris Fursi-malik yekkeemih sidiica sanat yekke saaku, Daaniyelil farmo temeete. Malik, Daaniyelih migaaqah Beltasaxxar yeyyeeqeh suge. Kaal temeete farmo nummâ-farmok tene'mmay, xayih edde radoonu duudan farmok mananna. Yalli woo farmok maqna wacyi gurral kaa yuybulle.

Daaniyel 2:19

Too bar Yalli Daaniyelih too soonoh maqna wacyi gurral kaa yuybulle. Too waqdi Daaniyel qaraanal yan Yallah candu gacseeh, kaa saariseeh, iyyeemih:

Daaniyel 1:17

Yalli woo affara numuh falsafat kee kitaabal tunkuttubeemih ixxiga keenih yecee. Toh lih kaadu Yalli Daaniyelih suwaawur kee soonok maqna elle yaaxige'nna kaah yecee.

2 Aydaad 25:8

A mari carbil kaxxam koh xiqeloonum takkale koo immay, nasri koh teceeh qeebil naqboytak koo taysiisem, Yalla ikkal, a mara hinna. A mari sin lih gexek, Yalli naqboytit siinik aysiisele» kaak iyye.

Hosiqa 6:4

Takkay immay YALLI iyyeemih, «Israayil kee Yuudah ummatey, maca siinik abu? Yoh liton kacni saaki-silaalo elle gexxa'nnal, siinik gexa. Ayro laqta way taarre saldah innah, siinik yeerreh.

1 Aydaad 22:11

Qagissa heeh kaak iyyeemih, «Tonna'mmay, yi baxaw, YALLAY ku Dagelta kinnihiyya isih xagana akah culla 'ye'nnah, kay Qibaadah-Qarih-xisne ku gabat bicsa'gidih, ko'lih yanay.

Makaabon 2:7

Yoosuwa suggu 'yem fanah Israayil mari YALLA aqbuduk suge. Usuk rabek sarra kinni way, YALLI Israayil ummatah abe kaxxa abina isih yuble mari addunyal suggu 'yem fanah, YALLA aqbuduk sugen.

2 Malikwa 15:34

Isi abbah raatat gexak sugeeh, tonna-leemik YALLI kicnam abak suge.

2 Aydaad 26:4

Quddiyya isi abbah raatat gexak, YALLI kicna taamah taamitak yen.

2 Aydaad 27:6

Yootam YALLAY kay Dagelta kinnihiyyal kaxxa imaan heeh, YALLI aba iyyem abak yen. Tonna-leemiik cayla Yalli kaah yecee.

Yoosuwa 1:7

«A taamal digga xicaay, abba haytaamal agaagul akak cabba haay dudda luk ab. Yi naqasuh yen Muusa koh warse xinto intam inkih oggola num tik. Teetil enna 'taamak tu cabe'kal duudusaay; tonnal gexinnaan ikkel kullim gabal kok bicele.

Yoosuwa 1:8

Tama xinto elle tunkuttube kitab kulli waqdi kassitay mahawweenin. Bar kee laqoh kawis. Tama kitaabih addal tanim inkih duudussem keh nagay isik cubbus. Taham abtek kullim kol amqeleeh; kullim gabal akak bicta num akketto.

2 Aydaad 14:6

Baaxo amaanah sugte sanoota Yuudâ-magaaloolit gasoosa maroh hee. YALLI kay baaxo amaan kaah abeemih sabbatah, too sanoota kay rasul qeebi kee carbi masuginna.

2 Aydaad 29:1

Ciskiyyaahu qumrik labaatanna kee konooyut yan saaku Yuudâ-malik yekke. Yarusalaamal labaatanna kee sagla sanatah malikih suge. Kay ina Abiyya deqsitak teneeh; Zakariyyak baxák ten.

2 Aydaad 32:30

Ciskiyyaahu Gicoon buyyih leek daga raqta afa aliffa heeh, woo lee dagga hee caraatak Yarusalaam magaalah gidaarittek adda gacca 'teh darah akah gexxa innah abe numuk ten. Usuk abba heem inkih kay gabal bicteh.