2 Aydaad 26:13 - NABUWWA KEE MALIKWA

¹³ Ta qaskarih abbobti amri elle luk ten qaskar mangah sidiica bool kee malcina alfi kee koona boolih qaskariita akkuk ten. Oson malik carbil catoonuh cayla leeh, qaskariino-baritto abe suge marak sugte.

2 Aydaad 26:13 Referans Kwoze

2 Aydaad 25:5

Malik, Yuuda kee Benyaamah yooboke mara gulub-gulubul baxissa heeh qaskarat ken hee. Sarrak alfi-alfi kee bool-boolul kurra ken heeh ken amrissa abbobti keenih hee. Qaskarat hee mari qumrik labaatannaak amo gufa marak ten. Tittat sidiica boolih alfih num qaskarat hee. Ta mari inkih qeebih bical yaniih, macaxi-qido kee goobut isinni akah raaqisan inna nagay yaaxige marak ten.

2 Aydaad 14:8

Sidooca boolih alfi qaskariitay Yuudah yoobokehiyya luk yeneeh; yakkeenimiik gob kee macaxu tikiyah luk yenen. Benyam kedoh yooboke marak kaadu namma bool kee bacra-tabanih alfih qaskariita luk yeneeh; silaacah gob kee gaysê-baxa luk yenen. Yakkeenimiik nagay tan qaskaray baritto kee agiirinna lehiyyak yenen.

2 Aydaad 13:3

Abiyya too carbih affara boolih alfih qaskariita ugseeh; Yarobqam kaadu is le kabuk bacra boolih alfih qaskariita ruube.

2 Aydaad 11:1

Malik Racabqam Yarusalaam magaala gufe waqdi, Benyam kee Yuudâ kedoh addak bool kee bacra-tabanih alfi takke qaskaray dooro lehiyyah seeco abeeh, inki'kkel ken gaaboyse. Toh akah abem, kilbat le kabut raqta Israayilih ummattah amol malikih gacam faxak yen.

2 Aydaad 12:1

Racabqam malik tikka 'yeh abbootan maqar bahha kaak hee saakuuk xabba haanam, kaa kee usuk amol akak reede mari YALLIH xinto cinaanam baahen.

2 Aydaad 26:12

Qaskarak abbobtih yan mari mangah namma alfi kee lica boolih num akkuk yen.

2 Aydaad 26:14

Quddiyya silaacak gob kee macaxuuy amot haan birti-kalabtaay birta isinnik edde waasan birtak bicsen kameesiiy gayse kee gaysê-xaylo kee wanxefit qidoonu waan xeetik ken yitkiyeh yen.

2 Aydaad 14:7

Yuudâ marak iyyeemihii, «Ninni magaaloolit gaso maroh haynaay; fayya 'ta aroocay takkem akak nablehiyya amol akak xisnaay; gasot magaala akak culan afay fanxa way faknaah fanxa way alifna akah haynay. Tonnal faxe waynam magaalah adda culi mahayna» iyye. Qagseh keenik iyyeemih, «Ninni baaxo ninni milkih nabbixeeh; toh akah kinnim, YALLAY ni Dageltah yanihiyyah amri duudusneemih taaga. Kay fayxi oggolneemih taagah kulli kabuk dacayrit nee yabbixe» keenik iyye. Too mari toh oggoleeh; xiseeniih, ken gabal bicteh.