2 Aydaad 24:25 - NABUWWA KEE MALIKWA

²⁵ Qeebit kaxxam mudduumeh raaqe. Sarra Suuriyah qaskar baaxok tewqe waqdi, kay gubal doolat abbobtih ten namma num kaal malisseeh; Sek-Yoyadaqah baxat abe qidimih caneh, isi kaqaadal yan waqdi kaa qiden. Magaq magaalak Dawud-Magaala deqsita caafatal kaa yoogoqen. Takkay immay dardortih aracat kaa maagaqinnon.

2 Aydaad 24:25 Referans Kwoze

2 Aydaad 28:27

Rabe saaku kaa elle yoogoqeenim, Yarusalaam addak ten. Takkay immay malikwa edde haan kabrit kaa mahannon. Kay lakal kay baxi malik yekke. Kay migaq Ciskiyyaahu deqsitak yen.

2 Aydaad 24:16

Sek Yoyadaq rabe saaku, Dawud-Magaala deqsita caafatal malikwa elle yoogoqen ikkel kaa yoogoqen. Toh akah abeenimii, usuk Israayil marah meqem abeh, Yalla kee Yallih Qibaadah-Qarih meqem abe.

2 Aydaad 22:6

Sarrakaa, mudumuk uram fanah Yidraqel magaala fanah yuduure. Acadya kaat boysita'gidih tokke gexe.

2 Aydaad 21:16

YALLI, Filistiin mara kee Qarab marak tu takkemiy Kuus mari dabqah elle yan ikkeh xaqul tenehiyya, Yahooram-marat qeebi akah aban innah ken uguuguse.

2 Aydaad 24:26

Kaal malisseh kaa qiddemii: Dabad deqsita numuy Qammon marih barrah baxah yeneyii ina akak Simqat deqsitak tene kee, Yahodbad deqsita numuy Mooyab barray migaaqah Simrit deqsittahiyya baxak tenehiyyak ten.

1 Malikwa 15:27

Issakar-kedoh yooboke Aciiya baxi Baqsa, Nadab kee kay qaskar Filistiin rasul Gibbaton deqsitta magaala yabbixeeni'gidih maro haak sugen waqdi, raarisak amma 'yeh kaa qide.

2 Aydaad 22:9

Sarrak Acadya gorriseeniih Samaariyah magaalal yombooqoreh suge. Kaa geeniih, Yaahu fanah kaa beeniih tokkel raba kaal yuckumen. Takkay immay kay kaxxa abba Yacoosafat cormatah meqe magaqah kaa yoogoqen. Iyyeenimihii, «Kay kaxxa abba YALLI kicna taamah baguuk taamitak suge numuk ten» iyyen. Acadyâ-xaylo kee ramaday kay lakal dardaarahiyya maraaqinna.

2 Aydaad 25:3

Amaxya malik tikka 'yeh qande baahe saaku, kay abba qide maray doolat saqoltih sugehiyya caneh qide.

2 Aydaad 25:27

Yallih yab cinna heeh isih faxaamih abittot gace ayrook wadir, Yarusalaam magaalal sinam kaak abta waytaamat malisak sugte. Sarrak Laakis deqsitta magaala fanah awyah gexe. Takkay immay kaa niqibuk yen mari tokke fanah lakal kaak gexxa 'yeenih kaa qiden.