2 Aydaad 24:12 - NABUWWA KEE MALIKWA

¹² Malik kee sek Yoyadaq too lakqo YALLIH Qibaadah-Qari bicsa marih amol yan marih gabal haak yenen. Qarik tiddigille arooca xeetik xisa maraay coox bicsa mara kee biriita kee nacaasak tu bicsa mara a taamah doortem keenik ten.

2 Aydaad 24:12 Referans Kwoze

1 Malikwa 5:15

Suleeman wohuk kalah kaadu, qaleela mango rasul bacra-tabanih alfih numuy xeet baaxok tayyaaqeh massossahiyya kee, malcina-tabanih alfih numuy woo xeet yakkuqehiyya luk yen.

2 Samuwel 5:11

Suur malikih yen Curam, doolat-abbobti Dawud fan ruube. Woo mara luk, sariidâ-coox kee, naggaarinnah cooxuk duyye bicsa mara kee, xeet-qarwah-xiso yaaxige mara, Dawuduh malik elle gaca qari xisaana'gidih, ruube. Too mari too qari kaah xise.

2 Aydaad 24:11

Kulli ayro sahda gexxa 'te waqdi, Leewih mari sandug malik gubal taamita maral acayuk yenen. Sandug lakqok kibbiiminnaan waqdi, malik kutbe-abeena kee kaxxa seekih afak yan num sanduguk lakqo eyyeqqa hayteh, sandug elle suge ikkel gacisak yenen. Tonnal abak mango lakqo gaaboysen.

2 Aydaad 24:13

Ta taamat hayya heen mari Yallih Qibaadah-Qari meqe innal bicseeniih, duma xisen saaku elle suggu 'ye innah heen.

2 Aydaad 24:27

‹Malikwah Abina› deqsitta kitaabih maybalaalaqal, Malik Yooqas xayloh aydaad kee, kaat takku waytaamih giddinaamak nabuwwa edde yabte yab kee, usuk Yallih Qibaadah-Qariy yiddigilleh sugehiyya elle bicsiise innih aydaadi yan. Kay lakal kay baxay migaaqah Amaxya deqsitak yenehiyya malik yekke.

2 Aydaad 34:8

Malik yekkeemih taban kee bacarhaytô sanat gufe saaku, inkih tan baaxo kee YALLIH Qibaadah-Qari taahir abeeh; sugga 'te duyyeeyay Yallih aftok aqbuduk sugeenihiyya ragid cabsiiseh. Tohuk gaba kale waqdi, YALLIH Qibaadah-Qari nagay bicsaana'gidih, sidiica num ruube. Too sidocuy ruubehiyya Axalyaahû-Safan kee Maqseyaahu deqsita numuy Yarusalaam magaalak xintoh abbah yenehiyya kee Yowaacád-Yowaca deqsita numuy tikki 'taamah kutbeh abeenah yanihiyya ruube.